बाजूपट्टी खचल्याने गाडी घसरली

05479
कुंभोज : येथील बाजूपट्टी खचल्‍यामुळे कोळी मळ्‍याजवळ घसरलेली गाडी जेसीबीने काढली.
------
बाजूपट्टी खचल्याने गाडी घसरली
कुंभोज-हातकणंगले मार्ग : डागडुजी करण्याची मागणी
सकाळ वृत्तसेवा
कुंभोज, ता. १५ : कुंभोज-हातकणंगले मार्गावर येथील कोळी मळ्याजवळ आरएमसी (तयार क्राँक्रिट) वाहतूक करणारी गाडी घसरली. चालकाच्या प्रसंगावधानामुळे दुर्घटना टळली. जेसीबी यंत्राच्‍या सहायाने गाडी काढली.
दोन-चार महिन्यांपूर्वी कुंभोज ते मजले रस्त्याच्या बाजूपट्टीतून मजलेसाठी जलजीवन योजनेची पाईपलाईन टाकली आहे. वळवामुळे बाजूपट्टी खचली आहे. हातकणंगलेहून कुंभोजकडे आरएमसी वाहतूक करणारी गाडी कोळी मळ्‍याजवळ आली असता बाजूपट्टीत घसरली. ती जेसीबीच्या सहायाने बाहेर काढली. काही दिवसांपूर्वी नेजजवळ शाळेची बसही याच रस्त्याच्या बाजूपट्टीवरून घसरली होती.
दरम्‍यान, येथील मुख्‍य बसस्‍थानक परिसरात डांबरी रस्‍ता खोदाई करून तीन-चार महिन्ं‍यापूर्वी ही पाईपलाईन नेली आहे. मात्र, अद्याप रस्‍त्‍याची डागडुजी केलेली नाही. यामुळे छोटे-मोठे अपघात होत आहेत. रस्‍त्‍याची डागडुजी करावी, अशी मागणी होत आहे.
-----------
डांबरी रस्‍ता खोदाई करून मजलेसाठी जलजीवन योजनेतून पाईपलाईन मजले गावी नेली आहे. रस्‍त्‍याची डागडुजीची जबाबदारी सार्वजनिक बांधकाम विभागाची आहे.
- संजय पाटील, ठेकेदार
-------
ठेकदाराने ते काम करावे. नाही केले तर सार्वजनिक बांधकाम विभाग ते काम आमच्‍याकडे असणाऱ्या डिपॉझिटमधून करणार, त्‍यासाठी तांत्रिक बाबींना अवधी लागतो.
- शिवाजी पाटील, उपअभियंता, सार्वजनिक बांधकाम विभाग, हातकणंगले