उचत ( ता.शाहूवाडी ) येथे पतसंस्थेत ४४ लाखांचा अपहार

अशोक कुंभार 03078
गोरक्ष शिंदे B03079

उचतमधील पतसंस्थेत ४४ लाखाचा अपहार
तत्कालीन व्यवस्थापकासह तीघांवर गुन्‍हा; दोघांना अटक

शाहूवाडी, ता ः उचत(ता. शाहूवाडी)येथील संत गोरोबा कुंभार ग्रामीण बिगर शेती पतसंस्थेत ४४ लाख ९९ हजार ७६६ रुपयाचा अपहार केल्याचा प्रकार उघड झाला. या प्रकरणी संस्थेचा तत्कालीन व्यवस्थापक अशोक धोंडीराम कुंभार (रा. आकूर्ळे ता. शाहूवाडी), मुख्य लिपिक गोरख बापू शिंदे( रा.कडवे ता. शाहूवाडी) व प्रमाणित लेखा परीक्षक लक्ष्मण गणपती सुतार (रा.मणदूर ता. शिराळा जि.सांगली) या तिघांवर शाहूवाडी पोलिसात गुन्हा दाखल झाला. अशोक कुंभार व लक्ष्मण सुतार या दोघांना पोलिसांनी अटक केली.
 कुंभार समाजाने ही पतसंस्था काढली होती. या पतसंस्थेत अशोक कुंभार व गोरख शिंदे हे दोघेजण शाखाधिकारी म्हणून काम करीत होते. २०१७ ते २०२३-२४ अशा सलग सहा आर्थिक वर्षात मिळून संबधित संशयित आरोपीनी परसपर संगनमताने ४३ लाख ९९ हजार ७६६ रुपयांची अफरातफर केली. संस्थेच्या लेखा परिक्षणामध्ये ही बाब आढळली. त्यानूसार शासकीय लेखापरिक्षक वर्ग १ प्रतापसिंह बाबासाहेब काशिद यांनी शाहूवाडी पोलीसात या तिघां विरोधात अपहार केल्याची तक्रार दिली. हा गैरव्यवहार निदर्शनास येवू नये म्हणून संबधितांनी खोटी आर्थिक पत्रके तयार करून सभासद तसेच व्यवस्थापक मंडळाची दिशाभूल केल्याचा प्रकारही समोर आला आहे. लेखपरिक्षक प्रतापसिंह काशिद यांनी सहायक निबंधक सहकारी संस्था मलकापूर/शाहूवाडी कार्यालयास आर्थिक फसवणूकीबाबतचा अहवाल सादर केला.