मुरगूडात आज मोफत आरोग्य शिबिर.

मुरगूडात आज मोफत आरोग्य शिबिर
मुरगूड, ता. ९ : बाळासाहेबांची शिवसेनातर्फे मुख्यमंत्री एकनाथ शिंदे यांच्या वाढदिवसानिमित्त डॉ. डी. वाय. पाटील मेडिकल कॉलेज हॉस्पिटल व रिसर्च इन्स्टिट्यूट, कदमवाडी यांच्या सौजन्याने खासदार संजय मंडलिक आणि पालकमंत्री दीपक केसरकर यांच्या मार्गदर्शनाखाली मोफत आरोग्य शिबिर शुक्रवारी (ता. १०) सकाळी १० वा. येथे ग्रामीण रुग्णालयात असल्याची माहिती माजी नगराध्यक्ष राजेखान जमादार यांनी दिली. शिबिराचे उद्घाटन सिव्हिल सर्जन डॉ. अशोक हुबेकर यांच्या हस्ते अॅड. वीरेंद्र मंडलिक यांच्या अध्यक्षतेखाली जिल्हा नियोजन समितीचे सदस्य अमित कामत, सत्यजित पाटील, प्रा. अर्जुन आबिटकर, डॉ. भगवान डवरी, डी. वाय. पाटील हॉस्पिटलचे व्यवस्थापक अजित पाटील, डॉ. अजित लोकरे, शेतकरी संघाचे प्रशासक जयवंत पाटील, डॉ. अमोल पाटील यांच्या उपस्थितीत होईल. शिबिरात एमआरआय, सीटी स्कॅन, सोनोग्राफी, सीबीसी, युरिन शुगर, एक्स-रे व मोफत शस्त्रक्रिया होतील. आयसीयू औषध व प्रत्यारोपणाचा खर्च पेशंटने स्वतः करावा. शिबिरात पोटाचे आजार, लहान मुलांचे सर्व आजार, त्वचारोग, रक्तदाब, डायबिटीस, स्त्रियांचे पिशवीचे आजार, सिझेरियन व नॉर्मल डिलिव्हरी, हाडांच्या शस्त्रक्रिया, मूत्रविकार, मोतीबिंदू, मलेरिया, डेंग्यू, चिकनगुनिया उपचार, फिजीओथेरपी, मेंदूवरील उपचार, मानसिक रोग, रेडिओलॉजी यावर उपचार होतील. रेशनकार्ड, आधारकार्ड घेऊन यावे.