शेतीसाठी अखंडित वीज पुरवठा द्या.

03921
‘शेतीसाठी अखंडित वीज द्या’
मुरगूड, ता. १ : कागल तालुका स्वाभिमानी शेतकरी संघटनेच्या कार्यकर्त्यांनी आज मुरगूड येथील वीज वितरण कंपनीच्या कार्यालयात शिष्टमंडळाने जाऊन वीजपुरवठा अखंड सुरु ठेवून दुष्काळाच्या छायेतील शेतकऱ्यांना दिलासा द्यावा या मागणीचे निवेदन दिले.
निवेदन असे, वीज कंपनी आठ तास वीज देते. पण ती वारंवार खंडित होते. त्यामुळे पिकांचे नुकसान होते. अखंडित वीज न पुरविल्यास स्वाभिमानी शेतकरी संघटना आंदोलन करेल. हे निवेदन अमोल बिराजदार व सहाय्यक अभियंता प्रकाश पाटील यांनी स्वीकारले. निवेदनावर कागल तालुकाध्यक्ष डॉ. बाळासाहेब पाटील, उपाध्यक्ष नामदेव भराडे ,युवा अध्यक्ष,
शिवाजीराव कळमकर आदींसह शेतकऱ्यांच्या सह्या आहेत. यावेळी पांडुरंग चौगुले प्रकाश चौगुले (भडगाव),उत्तम भामरे (गलगले), उत्तम आवळे, संभाजी यादव,संदीप पडळकर (लिंगनूर) ,सुधीर पाटील (म्हाकवे), रघुनाथ भारमल, नितीन खतकर, महादेव कामते मेतके, उत्तम आवळीकर. निवृत्ती भामरे, ओंकार खराडे (शिंदेवाडी), केरबा अस्वले (हळदवडे),
पंढरीनाथ पाटील कुंडलिक पाटील उपस्थित होते.