नवीन कायद्याच्या माहितीसाठी मुरगूडमध्ये जनजागृती रॅली

4537
मुरगूड : येथे नवीन फौजदारी कायद्याच्या माहितीसाठी जनजागृती रॅली काढून माहिती पत्रके वाटण्यात आली.

.....
नवीन कायद्याच्या माहितीसाठी
मुरगूडमध्ये जनजागृती रॅली

सकाळ वृत्तसेवा
मुरगूड, ता. २ : नवीन फौजदारी कायद्याची अंमलबजावणी करण्यात येणार आहे. त्याबाबतची माहिती सर्वसामान्य जनतेपर्यंत पोहोचावी, या हेतूने मुरगूड पोलिस ठाण्यातर्फे शहरातून जनजागृती फेरी काढून फौजदारी कायद्याची माहिती देणारी पत्रके वाटण्यात आली.
नवीन फौजदारी कायदा व त्याचे स्वरूप याबद्दलची माहिती सहायक पोलिस निरीक्षक शिवाजी करे यांनी दिली. फेरीत शिवराज विद्यालय, मुरगूड विद्यालयाचे विद्यार्थी व शिक्षक सहभागी झाले होते. बसस्थानक चौक, शिवाजी पुतळा, नगरपरिषद रोड, राजीव गांधी चौक, बाजारपेठ रोड अशी जनजागृती रॅली काढण्यात आली. रॅलीदरम्यान विद्यार्थी तसेच नागरिकांना नवीन फौजदारी कायद्यासंदर्भातील माहिती पत्रके वाटप केली. तसेच मुरगूड पोलिस ठाणे येथे विद्यार्थी व नागरिकांना नवीन फौजदारी कायद्यामधील मुख्य बदलांची व हे कायदे १ जुलै २०२४ पासून अमलात आल्याची माहिती देण्यात आली.
....