नेसरीत डॉ. आंबेडकर जयंतीनिमित्त कार्यक्रम

नेसरीत डॉ. आंबेडकर जयंतीनिमित्त कार्यक्रम
नेसरी, ता. १० : डॉ. बाबासाहेब आंबेडकर जयंती उत्सव, जयभिम समाज यांच्या संयुक्त विद्यमाने भारतरत्न डॉ. बाबासाहेब आंबेडकर यांच्या जयंतीनिमित्त बुधवार (ता. १२) ते शुक्रवार (ता. १४) अखेर विविध स्पर्धांचे आयोजन केले आहे.
बुधवारी (ता. १२) खुल्या राज्यस्तरीय वक्तृत्व स्पर्धा लहान गट ५ पाचवी ते दहावी, वेळ ५ ते ६ मिनिटे, विषय ः डॉ. बाबासाहेब आंबेडकर-जीवन व कार्य, डॉ. बाबासाहेब आंबेडकरांच्या जीवनात रमाबाईंचे स्थान, डॉ. बाबासाहेब आंबेडकर यांचे सामाजिक कार्य, डॉ. बाबासाहेब आंबेडकर यांनी बौद्ध धम्म का स्विकारला?. खुला गट ः वेळ ७ ते ९ मिनिटे, विषय ः ''नुकसान कोणी कोणाचे केले - आम्ही संविधानाचे की संविधानाने आमचे, डॉ. बाबासाहेब आंबेडकर यांची जलनिती, डॉ. बाबासाहेब आंबेडकर एक आकलन, युध्द नको बुध्द हवा, डॉ. बाबासाहेब आंबेडकर यांची अर्थनिती व सध्याचे आर्थिक धोरण असे आहेत. गुरूवारी (ता. १३) खुल्या मॅरेथॉन स्पर्धा होणार आहे. पाच किमी अंतर आहे. शुक्रवारी (ता. १४) सकाळी ध्वजवंदन, फोटोपूजन, बुद्धवंदना सकाळी दहा वाजता प्रमुख वक्ते दंगलकार नितिन चंदनशिवे (कवठेमहांकाळ, जि. सांगली) यांचे व्याख्यान होणार आहे. सायंकाळी चार वाजता मिरवणूक होणार असून प्रसिद्ध हालगीसम्राट धिरज साठे, कोल्हापूर यांचा हलगीवादन कार्यक्रम होणार आहे.