नानीबाई चिखली - उपसरपंच निवड

2783
जयश्री गळतगे
......
नानीबाई चिखलीच्या
उपसरपंचपदी गळतगे
नानीबाई चिखली ः येथील ग्रामपंचायतीच्या उपसरपंचपदी मुश्रीफ गटाच्या जयश्री महादेव गळतगे यांची नऊ विरुद्ध तीन मतांनी निवड झाली. सरपंच युवराज कुंभार यांच्या अध्यक्षतेखाली झालेल्या सभेत निवडणूक निर्णय अधिकारी म्हणून ग्रामविस्तार अधिकारी सूर्यकांत कुंभार यांनी काम पाहिले. कुमार संकपाळ यांनी राजीनामा दिल्याने उपसरपंचपद रिक्त होते. मंगळवारी उपसरपंच निवडीसाठी विशेष सभा घेण्यात आली. यावेळी जयश्री गळतगे व साधना जाधव असे दोन अर्ज आले होते. हात वर करून झालेल्या मतदानामध्ये गळतगे यांच्या बाजूने नऊ, तर जाधव यांच्या बाजूने तीन सदस्यांनी हात वर केला. एक सदस्य गैरहजर राहिले होते. यावेळी प्रवीणसिंह भोसले, शिवानी भोसले, सदाशिव तुकान, सर्व सदस्य, पांडुरंग गळतगे, प्रकाश वाडकर, महेश गळतगे, सचिन सूर्यवंशी, बाबूराव वाडकर, बुरहान सय्यद, दीपक देवडकर आदी उपस्थित होते. अल्लाबक्ष सय्यद यांनी आभार मानले.