वळण हे आत्मकथन जीवनाचा टर्निंग पॉइंट सरोजकुमार मिठारी

03616

‘वळण’ आत्मकथन
परिवर्तनाचा वळणबिंदू

सरोजकुमार मिठारी; पोहाळेत नवनाथ हायस्कूलमध्ये कार्यक्रम

पोहाळे तर्फ आळते, ता. १९ ः ‘‘वळण'' आत्मकथन जीवनाचा टर्निंग पॉइंट न राहता तो साहित्य व समाजाच्या परिर्वतानाचा वळणबिंदू आहे,’’ असे मत मराठी विश्वकोश निर्मिती मंडळाचे विद्याव्यासंगी संपादक सरोजकुमार मिठारी यांनी व्यक्त केले. पोहाळे (ता.पन्हाळा) येथील नवनाथ हायस्कूलमध्ये ‘वळण'' पुस्तकावर आधारित परीक्षेच्या बक्षीस वितरण समारंभात प्रमुख पाहुणे म्हणून ते बोलत होते. अध्यक्षस्थानी संस्थेचे उपाध्यक्ष बी. जी. पोवार होते.
शाळेमध्ये सतत २४ वर्षे विविध पुस्तकांवर परीक्षा होतात. हा उपक्रम कौतुकास्परद असल्याचेही श्री. मिठारी यांनी सांगितले. चंद्रकांत निकाडे, लखन किडगावकर यांनीही मनोगते व्यक्त केली. नवांकुर हस्तलिखिताचे प्रकाशन यावेळी झाले. पाचवी ते सातवी गटात अनुक्रमे प्रतीक्षा खोपकर, सिद्धिविनायक पाटील, श्रेया पाटील, मधुरा साळोखे, शांभवी माळी, निल बेनाडे यांनी तर आठवी ते नववी गटात आशुतोष साळोखे, साईराज पाटील, हर्षदा डवरी, निराली पाटील, श्रुतिका पोवार, समर्थ भोगम, आदित्य पोवार यांनी पारितोषिके पटकावली. त्यांना श्री. मिठारी यांच्या हस्ते पारितोषिके देण्यात आली. मुख्याध्यापक परशराम आंबी यांनी स्वागत केले. मारुती गोडसे यांनी आभार मानले. सीमा पाटील यांनी सूत्रसंचालन केले.