रुई बंधारा केला जलपर्णी मुक्त

01579
रुई बंधारा : पंचगंगा नदी पात्रातील जलपर्णी काढण्यात आली.
--------
रुई बंधारा केला जलपर्णी मुक्त

पट्टणकोडोली, ता.१ ः पंचगंगा नदीवरील रुई बंधाऱ्याजवळ जलपर्णीने नदीला जणू मैदानचे स्वरूप आले होते. येथील श्री स्वामी समर्थ केंद्रातील सेवकांनी नदीपात्रातील ही जलपर्णी काढुन बंधारा परीसराची ही स्वच्छता केली.
पंचगंगा नदीवरील रुई बंधाऱ्याजवळ वाढलेल्या जलपर्णीने नदीपात्राला मैदानाचे स्वरुप आले होते. बंधारा परिसरात नागरिकांनी केलेल्या विविध धार्मिक विधींमुळे व इतर काही अनुचित प्रकाराने बंधारा परिसरात कचऱ्याचे साम्राज्य निर्माण झाले होते. या ठिकाणाची स्वच्छता करण्यासाठी श्रमदान करावे यासाठी केंद्रातील सेवेकरांनी सोशल मीडियावरून आवाहन केले होते. त्याला प्रतिसाद मिळत सेवेकऱ्यांबरोबरच इतर काही तरुणांनीही सहभाग नोंदवत नदीपात्रातील जलपर्णी काढून टाकली. बंधारा परिसरातील कचरा गोळा करून त्याची विल्हेवाट लावली. यामुळे नदीपात्र व परिसर स्वच्छ झाला. स्वच्छता मोहिमेत अमोल पोवार, युवराज शिंदे, सुनील बोंगाळे, अनिल बोंगाळे, पुंडलिक शिंदे, सूरज पोवार, मुकुंद पोरे, आनंदी पुजारी, कल्याणी शिंदे, रुपाली शिंदे आदिंनी सहभाग नोंदवला.