ज्येष्ठ स्वातंत्र्यसैनिक, सामाजिक कार्यकर्त्या प्रेमा पुरव यांचे निधन

ज्येष्ठ स्वातंत्र्यसैनिक, सामाजिक कार्यकर्त्या प्रेमा पुरव यांचे निधन

Published on

30048
प्रेमा पुरव यांचे निधन
पुणे, ता. २ ः ज्येष्ठ स्वातंत्र्यसैनिक, सामाजिक कार्यकर्त्या आणि अन्नपूर्णा महिला मंडळाच्या संस्थापक कॉम्रेड प्रेमा पुरव (वय ८८) यांचे मंगळवारी पुण्यात घरी निधन झाले. त्यांच्या पार्थिवावर वैकुंठ स्मशानभूमीत अंत्यसंस्कार करण्यात आले. त्यांच्या मागे तीन कन्या, जावई, नातवंडे असा परिवार आहे.
प्रेमा पुरव यांचा जन्म गोव्यातील. त्यांचे पूर्वाश्रमीचे नाव प्रेमा प्रभू तेंडुलकर. अवघ्या बाराव्या वर्षी त्यांनी आपल्या भावासह स्वातंत्र्यसंग्रामात भाग घेतला. पुढे बेळगावात भूमिगत राहून त्या गोवा मुक्ती संग्रामात कार्यरत होत्या. मुंबईत आल्यावर त्यांनी कम्युनिस्ट पक्षात काम केले. पुढे कॉम्रेड दादा पुरव यांच्याशी त्यांचा प्रेमविवाह झाला. प्रेमा आणि दादा पुरव हे दोघेही गोवा मुक्ती संग्रामानंतर संयुक्त महाराष्ट्राच्या लढ्यातही सहभागी झाले होते. १९६० नंतर प्रेमा पुरव या भारतीय महिला फेडरेशन, गिरणी कामगार युनियन, महागाई प्रतिकार संयुक्त महिला समिती आदी संघटनांमध्ये कार्यरत होत्या. प्रेमा पुरव यांच्या या कार्याचा सन्मान म्हणून केंद्र सरकारने त्यांना २००२ मध्ये पद्मश्री या चौथ्या सर्वोच्च भारतीय नागरी पुरस्काराने सन्मानित केले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.