इंजोळे सरपंचपदी जनसुराज्यच्या सौ.शोभा तानाजी पाटील बिनविरोध

03877
इंजोळे सरपंचपदी शोभा तानाजी पाटील बिनविरोध
पन्हाळा ता. ४ ः इंजोळे (ता. पन्हाळा) येथील ग्रामपंचायत सरपंचपदी जनसुराज्य शक्ती पक्षाच्या शोभा तानाजी पाटील यांची बिनविरोध निवड झाली. निवडणूक निर्णय आधिकारी जी. आर. गोन्सालवीस यांनी बिनविरोध निवड जाहीर केली. ग्रामसेविका माधुरी साळोखे यांनी नवनिर्वाचित सरपंच शोभा पाटील यांचा सत्कार केला. येथे जनसुराज्य शक्ती गटाची एकहाती सत्ता आहे. कोरेंच्या फार्म्युल्यानुसार चार महिलांना प्रत्येकी सव्वा वर्षाचा सरपंचपद देण्याचे ठरले आहे. त्यानुसार वंदना खोत यांनी राजीनामा दिल्याने पद रिक्त होते. त्याबाबत गुरुवारी झालेल्या विशेष सभेत ही निवड झाली. निवडीला उपसरपंच मधूकर कांबळे, गीता लक्ष्मण पाटील, अनिता पाटील, पांडुरंग पाटील व तानाजी कोंडे, गणपती गायकवाड, युवराज पाटील व गावातील विविध संस्थांचे पदाधिकारी, ग्रामस्थ उपस्थित होते.