पोर्ले - विद्युत खांब पडला.

02838
पोर्ले तर्फ ठाणेत
विद्युत खांब कोसळला
पोर्ले तर्फ ठाणे; ता. १६ ः येथील पाटील वसाहतीत आज सकाळी सोसाट्याच्या वाऱ्यासह झालेल्या जोरदार पावसामुळे निलगिरीचे झाड उच्च दाबाच्या विद्युत वाहिनीवर पडल्यामुळे जवळचा विद्युत खांब कोसळला. विद्युतवाहिन्या तुटून यवलूज-पोर्ले रस्त्यावर पडल्या. महावितरण कर्मचाऱ्यांच्या तत्परतेमुळे अनुचित प्रकार घडला नाही.
पोर्ले तर्फ ठाणे (ता. पन्हाळा) येथील पाटील वसाहतीजवळील खोपकर ग्रुप डीपीजवळून जाणाऱ्या केर्लेत येथील आलेल्या उच्च दाबाच्या विद्युत वाहिनीवर निलगिरीचे झाड उन्मळून पडले. त्यावेळी तेथून जवळचा विद्युतखांब पडला. त्यामुळे विद्युत वाहिन्या तुटून जमिनीवर पडल्या. ही माहिती शेतक-यांनी महावितरणच्या कर्मचाऱ्यांना दिली. त्यांनी तत्काळ विद्युत पुरवठा खंडित केला. यवलूज-पोर्ले रहदारीच्या रस्त्यावर विद्युत वाहिन्या तुटून पडल्या होत्या; पण महावितरणच्या कर्मचाऱ्यांच्या तत्परतेमुळे अनुचित प्रकार घडला नाही. येथून विहिरीवरील शेती पंप व वसाहतीतील घरगुती विद्युत पुरवठा केला जात आहे. त्यामुळे त्वरित वीजपुरवठा सुरळीत करावा; अशी शेतकऱ्यांची मागणी आहे.