पेठवडगाव:प्रामाणिकपणे पैसे परत केले

02539

शीतल शिंदेंनी प्रामाणिकपणे परत केली
रक्कम, किमती साहित्य असलेली पर्स

पेठवडगाव, ता. २२ : येथील एका महिलेची सापडलेली पर्स शीतल सुनील शिंदे यांनी प्रामाणिकपणे परत केली. पर्समध्ये दोन हजार रोख व किमती साहित्य होते. पतीप्रमाणे पत्नीनेही सापडलेले पैसे परत करून पतीची परंपरा कायम ठेवली.
येथील ‘सकाळ’चे कर्मचारी सुनील शिंदे यांच्या पत्नी शीतल या सोमवारी रात्री कामानिमित्त वाणीपेठ रस्त्याने जात होत्या. या दरम्यान त्यांना पर्स सापडली. ती कोणाची आहे याचा शोध त्यांनी घेण्याचा प्रयत्न केला; परंतु त्यांना कोणीही सापडले नाही. दुसऱ्या दिवशी शशी लोहार हीची पर्स हरवल्याचे लक्षात आले. या महिलेची परिस्थिती बेताची असून, ती दीपावलीचा बाजार करण्यासाठी जाताना तिची पर्स पडल्याचे सांगितले. तिची असल्याची खात्री करून ती पर्स परत केली.
दीपाली यांचे पती सुनील यांना २००७ मध्ये मार्केट यार्ड परिसरात एक लाख रुपये सापडले होते. ते त्यांनी संबंधितांना परत केले. त्यानंतर त्यांना पार्वती टॉकी येथे रोख रक्कम सापडली. ती मंदिरात दान केली. पेठवडगाव व पुणे येथे अशाच पद्धतीने त्यांना रोख रक्कम व मोबाईल सापडला होता. तो त्यांनी परत केला.