व्हन्नूर व पिंपळगावमध्ये मुलींना लसीकरण

03714
व्हन्नूरला एचपीव्ही लसीकरण
सिद्धनेर्ली, ता. २८ ः पिंपळगाव खुर्द व व्हन्नूर (ता. कागल) येथे ३१५ मुलींना एचपीव्ही लसीकरण केले.
व्हन्नूर येथे दौलतराव निकम माध्यमिक विद्यालयात प्राथमिक व माध्यमिक शाळांतील मुलींना एचपीव्ही लसीकरणवेळी गटविकास अधिकारी कुलदीप बोंगे व गटशिक्षणाधिकारी सारिका कासोटे उपस्थित होत्या. गटविकास अधिकारी कुलदीप बोंगे म्हणाले, ‘कॅन्सरसारख्या दुर्धर आजारापासून संरक्षण देणारी एचपीव्ही लस महिलांसाठी सुरक्षाकवच आहे.’ गटशिक्षणाधिकारी सारिका कासोटे म्हणाल्या, ‘‘महिलांमध्ये कॅन्सरसारख्या गंभीर आजाराचे प्रमाण अधिक आहे. अशा आजारापासून त्यांचे संरक्षण व्हावे यासाठी हसन मुश्रीफ फौंडेशन यांनी पुढाकार घेऊन ही लस उपलब्ध केली. व्हन्नूरला १७५ तर पिंपळगावला १४० मुलींना लसीकरण करण्यात आले.
कार्यक्रमास विस्तार अधिकारी अमोल मुंडे, सरपंच पूजा मोरे, शीतल नवाळे, डॉ. प्रज्ञा कदम, मुख्याध्यापक विलास पोवार, नेताजी मोरे, डॉ. अश्विनी सावंत, केंद्रप्रमुख एस. व्ही. पाटील, उपसरपंच सदाशिव चौगले, महेश चौगले, कविता तेलवेकर, जे. डी. कांबळे, अशोक वठारे, नीलकुमार चौगुले, मुख्याध्यापक संजय दाभाडे, आनंदा खापणे, पांडुरंग निकम उपस्थित होते.