सांगवडेवाडी ता .25

01503
म्हसोबा यात्रेला
हलसवडेत प्रारंभ
सकाळ वृत्तसेवा
सांगवडेवाडी, ता. २६ ः हलसवडे (ता. करवीर) येथे म्हसोबा यात्रेला उत्साहात प्रारंभ झाला. ‘म्हसोबाच्या नावानं चांगभलं..’च्या जयघोषात, बँड पथक, हलगी घुमक्याच्या तालावर ग्रामपंचायत चौकातून म्हसोबाची पालखी निघाली. पोलिसपाटील रामगोंडा पाटील यांच्या घरातून मूर्ती चावडीपासून मरगूबाई मंदिरात यात्रा कमिटीकडून ओटी भरून मारुती मंदिरात नैवेद्य घेऊन बाजार माळावरती मुख्य मंदिरात गेली. तेथील धार्मिक विधी गजानन जमदग्नी यांनी केला. बसगोंडा पाटील (दोडके) यांचा मानाचा घोडा सजवून पालखीमध्ये होता. पालखीचा मान परीट समाजालाही आहे. मारुती मंदिरात यात्रा कमिटीच्या वतीने महाप्रसादाचे आयोजन केले होते. माळावर म्हसोबा मंदिरात पुजाऱ्यांचे वतीने महाप्रसादाचे नियोजन करण्यात आले होते. सायंकाळी पाचला मसोबा मंदिरातून मरगूबाई मंदिर ते मारुती मंदिर येथे परत सायंकाळी सात वाजता पोलिसपाटील यांचे घरी पालखी मिरवणूक आली.
पालखी मार्गावर पायघड्या, रांगोळी, फुलांची सजावट, आकर्षक विद्युतरोषणाई केली होती. सरपंच वनिता साळोखे, उपसरपंच मोहन खोचगे, ग्रामपंचायत सदस्य, तरुण मंडळे यांच्यासह यात्रा कमिटी शिवाजी पाटील, धोंडीराम कागले, बटू टिळे, रमेश मोहिते, राकेश तांबडे, मल्लू पळसे, मनोज पाटील, मंगेश कांबळे, लखन कांबळे यांच्यासह ग्रामस्थ उपस्थित होते. यात्रेनिमित्त पशुप्रदर्शन, रेकॉर्ड डान्स स्पर्धेचेही आयोजन केले आहे.