नंद्याळ येथे बांधावरून पडून शेतकऱ्याचा मृत्यू

02164
नंद्याळला बांधावरून पडून शेतकऱ्याचा मृत्यू
सेनापती कापशी : नंद्याळ (ता. कागल) येथील शेतकऱ्याचा शेतातील बांधावरून घसरून पडून मृत्यू झाला. नामदेव कृष्ण सुतार (वय ७४) असे त्यांचे नाव आहे. आज सायंकाळी साडेपाचच्या सुमारास घटना घडली. मुरगूड पोलिसात घटनेची नोंद झाली. नामदेव सुतार हे आज दुपारी नंद्याळ ते कापशी रस्त्यालगतच्या सुतारकी नावाच्या शेताकडे गेले होते. यादरम्यान त्यांचा बांधावरून घसरून पडून जागीच मृत्यू झाला. त्यांचा नातू करण गजानन सुतार साडेपाचला शेताकडे गेल्यानंतर ही घटना लक्षात आली. मृत नामदेव सुतार यांचा मुलगा गजानन सुतार यांचाही यापूर्वीच मृत्यू झाल्याने नामदेव सुतारच कर्ते पुरुष होते.