शिव सामर्थ्य ट्रस्टतर्फे शैक्षणिक साहित्य वाटप

2638
करंजिवणे : शिव सामर्थ्य चॅरिटेबल ट्रस्टतर्फे शैक्षणिक साहित्य वाटप करताना शशिकांत तिकोडे, मंगेश घोरपडे, संजय आंग्रे, बळवंत तिप्पे, दिलीप आडेकर, भैरवनाथ शेटके आदी.
......
शिव सामर्थ्य ट्रस्टतर्फे
शैक्षणिक साहित्य वाटप

सेनापती कापशी, ता. ४ : ‘चांगला माणूस बनण्यासाठी मराठी माध्यमाच्या शाळा टिकवून मातृभाषेतून शिक्षण द्या,’ असे प्रतिपादन शशिकांत तिकोडे यांनी केले. हळदी (ता. कागल) येथील शिव सामर्थ्य चॅरिटेबल ट्रस्टच्यावतीने श्री चौंडेश्वरी हायस्कूल हळदी, केंद्रशाळा हळदी, विद्या मंदिर नंद्याळ, विद्या मंदिर करंजिवणे, विद्या मंदिर हळदवडे आणि १२ अंगणवाड्यांना शैक्षणिक साहित्य वाटप करताना ते बोलत होते.
यावेळी शशिकांत तिकोडे, अभिषेक गुरव आणि विश्वस्त यांच्या हस्ते विद्यार्थ्यांना वह्या, पेन व इतर शैक्षणिक साहित्य वाटप करण्यात आले. यावेळी उपाध्यक्ष मंगेश घोरपडे, सचिव दिलीप आडेकर, मुख्याध्यापक बळवंत तिप्पे, विकास लुल्ले, अभिषेक गुरव, भैरवनाथ शेटके, संजय आंग्रे, प्रणोती तिकोडे, सायली बारड, श्रद्धा गुरव, संभाजी भोसले, मयुरेश तिकोडे, आदी उपस्थित होते.
....