सरवडे

03444, 03445

विठ्ठलराव खोराटे,आनंदी पाटील
...

राधानगरी तालुका संघाच्या
चेअरमनपदी विठ्ठलराव खोराटे

सरवडे : राधानगरी तालुका शेतकरी सहकारी संघाच्या चेअरमनपदी विठ्ठलराव शिवाजीराव खोराटे यांची तर व्हाईस चेअरमनपदी आनंदी केरबा पाटील यांची बिनविरोध निवड करण्यात आली. राधानगरी तालुका संघाची स्थापना २४ डिसेंबर १९५५ झाली. संघाच्या स्थापनेपासून निवडणूक झाली नव्हती. परंतु यावर्षी दोन आघाडीत निवडणूक झाली. या निवडणुकीत विठ्ठलराव खोराटे व वसंतराव पाटील यांच्या नेतृत्वाखाली पॅनेलने १५ जागा मिळविल्या. शनिवारी(ता.२९) संघाच्या कार्यालयात चेअरमन व व्हाईस चेअरमन निवडीची सभा झाली. अध्यक्षस्थानी राधानगरीचे सहाय्यक निबंधक युसुफ शेख होते. संघाचे व्यवस्थापक एकनाथ पाटील यांनी स्वागत केले. विठ्ठलराव खोराटे यांचे नाव ज्येष्ठ संचालक श्रीकांत साळोखे यांनी सुचवले तर संचालक सर्जेराव बुगडे यांनी अनुमोदन दिले. आनंदी पाटील यांचे नाव दत्तात्रय धनगर यांनी सुचवले. शुभम पाटील यांनी अनुमोदन दिले. यावेळी संचालक वसंतराव पाटील, विलास एरूडकर ,बंडा पाटील, राजाराम देवर्डेकर, जालंदर पाटील, मधुकर कांबळे , लहू गुरव , वैशाली पाटील आदी उपस्थित होते. शिवराज खोराटे यांनी आभार मानले.