अर्जुनवाड सरपंच स्वाती कोळी उपसरपंच रमेश बसर्गी यांच्या विरोधात अविश्वास ठराव मंजूर

अर्जुनवाड सरपंच,
उपसरपंचांविरोधात अविश्वास ठराव मंजूर

शिरोळः अर्जुनवाड (ता.शिरोळ) ग्रामपंचायतीच्या सरपंच स्वाती कोळी, उपसरपंच रमेश बसर्गी यांच्या विरोधात दहाविरोधी तीन मतांनी अविश्वास ठराव मंजूर झाला. सरपंच व उपसरपंच हे सदस्यांना विश्वासात घेत नाहीत, मनमानी कामकाज करतात, असा आरोप करून ग्रामपंचायत सदस्यांकडून दाखल केलेल्या अविश्वास ठरावसंदर्भात ग्रामपंचायत कार्यालयामध्ये शिरोळचे तहसीलदार अनिलकुमार हेळकर यांच्या अध्यक्षतेखाली विशेष सभा पार पडली. अर्जुनवाडच्या इतिहासात प्रथमच ग्रामपंचायत सदस्यांनी सरपंच, उपसरपंच यांच्या विरोधात अविश्वास ठराव आणला होता. ग्रामपंचायत सदस्य विकास पाटील, संतोष पाटील, संतोष दुधाळे, परशराम बागडी, शोभा कोळी, शोभा डोंगरे, अर्चना थोरात, नंदाताई खोत, भारती परीट, संगीता चौगुले यांनी ठरावाच्या बाजूने मतदान केले, तर अविश्वास ठरावाच्या विरोधात सरपंच स्वाती कोळी उपसरपंच रमेश बसर्गी, सदस्य विश्वनाथ कदम यांनी मतदान केले.