‘माहिती अधिकार’वर शिरोळमध्ये मार्गदर्शन

‘माहिती अधिकार’वर
शिरोळमध्ये मार्गदर्शन
शिरोळ : लोकशाही व संविधान जिवंत राहिली तरच माहिती अधिकार राहील, असे प्रतिपादन माहिती अधिकार कार्यकर्ते शाहिन शेख यांनी केले. येथील कल्लेश्वर मंदिरात श्री महात्मा बसवेश्वर जयंती उत्सव समितीतर्फे आयोजित व्याख्यानमालेत ‘लोकशाही बळकटीसाठी माहिती अधिकाराचा वापर’ या विषयावर ते बोलत होते. पृथ्वीराजसिंह यादव अध्यक्षस्थानी होते. ते म्हणाले, ‘कायद्याचा वापर चांगल्यासाठी करा. नाहीतर एखाद्याची जिरवायची म्हणून नको. लोकशाही बळकटीकरणासाठी माहिती अधिकाराचा वापर करावा. २६ नोव्हेंबर २०१८ च्या शासन निर्णयानुसार कोणत्याही कागदावर काही लिहू नका. माहितीच्या अधिकाराचा अर्ज देऊ नका; परंतु दर सोमवारी कोणत्याही शासकीय कार्यालयामध्ये दुपारी तीन ते पाच वाजेपर्यंत हवी ती माहिती पाहू शकता.’ माजी सरपंच गजानन संकपाळ, विजय आरगे, आंदोलन अंकुशचे संस्थापक धनाजी चुडमुंगे, सामाजिक कार्यकर्ते शक्‍तिजित गुरव, प्रसन्नजित दीक्षित, दीपक कामत, आदी उपस्थित होते.