टोप : जलजीवन अंतर्गत जल कुंभाचे भूमीपूजन

02908
टोपला जलकुंभाचे भूमिपूजन
टोप, ता. १० : जलजीवन मिशनच्या सुधारित नळपाणी पुरवठा योजनेतून नागरिकांना स्वच्छ व मुबलक पाणी मिळेल व टोपचा पाणी प्रश्न कायमस्वरूपी सुटेल, असा विश्वास सरपंच तानाजी पाटील यांनी व्यक्त केला. जलजीवन मिशनअंतर्गत येथील जलकुंभाचे भूमिपूजन कार्यक्रमात ते बोलत होते.
माजी पालकमंत्री सतेज पाटील यांच्या प्रयत्नातुन टोपसाठी जलजीवन मिशनच्या सुधारीत नळपाणी पुरवठा योजनेतून ४ कोटी ८७ लाखांचा निधी मंजूर झाला आहे. यामधून माळवाडी १ लाख ७६ हजार लिटर तर पाटील टेक भागासाठी ५२ हजार लिटर क्षमतेचे जलकुंभ उभारण्यात येणार आहेत. अंतर्गत पाईपलाईनची कामे सोलर पंप योजनेतून होणार आहेत.
जलकुंभाचे भूमिपूजन सरपंच पाटील यांच्या हस्ते केले. यावेळी उद्योगपती नंदकुमार मिरजकर, बाळासाहेब चव्हाण, श्रीरंग तावडे, श्रीपती पाटील, विजयसिंह घोरपडे, पिलाजी पाटील, प्रकाश पाटील, ग्रामपंचायत सदस्य सुनिल काटकर, दिलीप मुळीक, दीपक पाटील, रमेश पाटील, स्नेहा जिरगे, सरस्वती पुजारी, सविता कुरणे, मानसिंग गायकवाड, शिवम भोसले, दिलीप पाटील, बाळासो कोळी, विजय पाटील, अजित चव्हाण, उत्तम पाटील, राजू कोळी उपस्थित होते.