रायगड ट्रेकिंग साठी व स्वच्छतेसाठी सुमारे अडीचशे शिवभक्त रवाना आज शिवभक्त करणार रायगड किल्ल्याची स्वच्छता

रायगड मोहिमेसाठी
शिवभक्त रवाना
साने गुरुजी वसाहत ता. ६ : छत्रपती शिवाजी महाराज यांच्या विषयी आदर व त्यांनी केलेल्या कार्याची आठवण म्हणून आज साने गुरुजी वसाहत, क्रांतिसिंह नाना पाटील नगर ,शिवाजी पेठ, कणेरकर नगर, रिंगरोड परिसरातील सुमारे अडीचशेवर शिवभक्त आज रायगड ट्रेकिंगसाठी रवाना झाले. उद्या सकाळी ते रायगड किल्ल्याची स्वच्छता करणार आहेत. अशी माहिती संयोजक नंदकुमार पिसे यांनी दिली. आज सकाळी सात वाजता निवृत्ती चौक, अर्धा शिवाजी पुतळा, शिवाजी पेठ येथून छत्रपती शिवाजी महाराज यांच्या पुतळ्यास वंदन करून शेकडो शिवभक्त शिस्तबद्ध पद्धतीने रायगड ट्रेकिंग साठी रवाना झाले. त्यांना शुभेच्छा देण्यासाठी छत्रपती मालोजीराजे, सचिन चव्हाण, विक्रम जरग, गजानन विभूते, सुनील घोडके, दीपक करंबे, अतुल चव्हाण, संजय जाधव, निवास सूर्यवंशी, प्रमोद सरनाईक, सुरेश पाटील ,भाऊ करंबे आदि उपस्थित होते.