यशासाठी स्वतःचे प्रयत्न आवश्यक : सर्जेराव जाधव (निवृत्त शिक्षण संचालक, महाराष्ट्र राज्य)

01922
यशासाठी स्वत:चे प्रयत्न हवेत
सर्जेराव जाधव; गुणवंतांचा सत्कार
साने गुरुजी वसाहत, ता. १३ : ‘यश मिळवण्यासाठी विद्यार्थ्यांनी स्वतः प्रयत्न करणे आवश्यक आहे. स्पर्धा स्वतःशी करावी म्हणजेच ध्येयपूर्तीसाठी अडथळे निर्माण होत नाहीत, असे मत निवृत्त शिक्षण संचालक सर्जेराव जाधव यांनी व्यक्त केले.
फुलेवाडी सुतारमळा येथील कालिकादेवी मंदिरात कोल्हापूर जिल्हा विश्वकर्मा पांचाळ सुतार समाजाच्या वतीने गुणवंत विद्यार्थी पुरस्कार सोहळ्यात ते प्रमुख पाहुणे म्हणून बोलत होते. अध्यक्षस्थानी पलूस विश्वकर्मा पांचाळ सुतार समाजाचे अध्यक्ष महेश सुतार होते.
दहावी, बारावी व स्कॉलरशिप परीक्षेत यशस्वी विद्यार्थ्यांचा यावेळी सत्कार झाला. नवऱ्याला सुतार कामात मदत करता करता त्या व्यवसायातील अनेक कला कौशल्य आत्मसात करून सौ सरीता लोहार देखील फर्निचर स्वतः बनवू लागल्या. त्यांच्या या कामाची दखल घेऊन पंतप्रधान नरेंद्र मोदी यांनी त्यांचा सत्कार केला. या पार्श्वभूमीवर समाजाच्या वतीनेही सरीता लोहार यांचा गौरव करण्यात आला. अध्यक्ष स्थानावरून बोलताना महेश सुतार म्हणाले, '' पंतप्रधान विश्वकर्मा योजनेतून समाजासाठी खूप साऱ्या योजना आहेत, त्या योजनांचा बारकाईने अभ्यास करून त्याचे मिळणारे लाभ घ्यावेत, असे आवाहन केले. यावेळी तात्यासो सुतार (तंटामुक्ती अध्यक्ष आंबेवाडी) , सरीता लोहार, यांनी मनोगत व्यक्त केले.कोल्हापूर जिल्हा विश्वकर्मा पांचाळ सुतार समाजाचे अध्यक्ष चंद्रकांत कांडेकरी यांनी प्रास्ताविक केले व आभार प्रकाश सुतार सर यांनी मानले
यावेळी दीनानाथ सुतार, विश्वनाथ सुतार, नानासो कांडेकरी, हणमंत सुतार राजकुमार सुतार, भरत सुतार, चंद्रकांत सुतार, पांडुरंग सुतार, विजय कांडेकरी, राजेंद्र सुतार,आकाश लोहार, भूषण कांडेकरी,सुरज सुतार, बाळासाहेब कुंभार (माजी उपसरपंच पलूस) अभिजीत सुतार, प्रणव सुतार, आसावरी कांडेकरी व विश्वकर्मा समाज बांधव व भगिनी मोठ्या प्रमाणात उपस्थित होते