टेंबलाई मंदिराकडे जाणारी वाट खडतरच

85435

टेंबलाई मंदिराकडे
जाणारी वाट खडतरच

सकाळ वृत्तसेवा

उचगाव, ता. २३ ः कोल्हापूरच्या पूर्व बाजूला असणाऱ्या त्र्यंबोलीदेवी टेकडीकडे जाणारा त्र्यंबोली टेकडी कमान ते त्र्यंबोली मंदिरापर्यंत रस्ता पूर्णपणे उखडला आहे. सर्वत्र खडी पसरली आहे. त्यामुळे देवीकडे जाणारा मार्ग खडतर बनला आहे. तरी देवस्थान समिती महापालिका यांनी हा रस्ता करावा, अशी भाविकांची मागणी होत आहे
कोल्हापूरच्या पूर्वीस असणाऱ्या नवदुर्गापैकी एक असणारे त्र्यंबोली मंदिराकडे जाण्यासाठी रस्ता पूर्णपणे उखडला आहे. त्यामुळे येथील अनेक लोक दर्शनासाठी येतात; परंतु त्र्यंबोली कमानीपासून मंदिरापर्यंतचा रस्ता पूर्णपणे उखडून खडी पसरली आहे. दोन ते तीन मोठे खड्डे पडले आहेत. त्यामुळे भाविकांना दर्शनासाठी जाताना खूप त्रास होत आहे. मोकळ्या हवेत फिरण्यासाठी सकाळी टेकडीवर आबालवृद्धांची गर्दी असते. त्यांनाही येथे अडचणीचे ठरत आहे. तरी रस्ता लवकरात लवकर करावा, अशी मागणी भाविक व टेंबलाईवाडी विक्रमनगर परिसरातील लोक करत आहेत

कोट
आम्ही नेहमीच नियमित सकाळी परिसरात फिरायला येतो. देवीच्या दर्शनासाठीही सहकुटुंब येतो; परंतु येथील रस्ता अत्यंत खराब झालेला आहे. महापालिका, देवस्थान समितीने हा रस्ता त्वरित डांबरीकरण करून भाविकांची गैरसोय दूर करावी.
- अमित पाटील

उचगाव ः त्र्यंबोली टेकडी ते मंदिरापर्यंतचा उखडलेला रस्ता.