सुरेश केसरकर यांना"ईगल फाउंडेशनच्या" वतीने राज्यस्तरीय गरुड झेप पुरस्काराने सन्मानित

00346
सुरेश केसरकर
यांचा सन्मान
उचगाव ः सामाजिक क्षेत्रातील देदीप्यमान कामगिरीबद्दल सुरेश केसरकर यांना ईगल फाउंडेशनच्यावतीने राज्यस्तरीय गरुडझेप पुरस्कार २०२४ प्रदान करण्यात आला. आमदार रामहरी रुपनवर यांच्याहस्ते तसेच डी. वाय. पाटील शिक्षण समूहाचे विश्वस्त सूर्यकांत तोडकर, ज्ञानेश्वर शिक्षण संस्थेचे सचिव ॲड. चिमण डांगे, पणन विभागाचे उपायुक्त सुभाष घुले, समाजकल्याण विभाग पुणे उपायुक्त निशादेवी बंडगर, संस्थेचे अध्यक्ष विलासराव कोळेकर आदींच्या उपस्थितीत आष्टा, ता. वाळवा येथील अण्णासाहेब डांगे इन्स्टिट्यूटमध्ये हा सोहळा झाला. सुरेश केसरकर औद्योगिक क्षेत्रात स्वतःची नोकरी सांभाळून, शासनाच्या विविध योजना व उपक्रमांचा लाभ समाजातील सर्व घटकांना मिळावा यासाठी धडपडतात. अवयवदान व देहदान चळवळीसाठी सातत्याने प्रयत्न करतात. ज्येष्ठांच्या समस्यांचे निराकरण होऊन त्यांना वृद्धापकाळात सन्मानाने जगता येण्यासाठी पाठपुरावा करीत असतात.