कन्या विद्या मंदिर उचगावचा जिल्हास्तरीय हॅकेथॉन स्पर्धेत प्रथम क्रमांक

कन्या विद्यामंदिर
उचगावचा प्रथम क्रमांक
उचगाव ः कोल्हापूरच्या यशवंतराव चव्हाण महाविद्यालयात जिल्हा शिक्षण व प्रशिक्षण संस्था (डाएट), कोल्हापूर व जिल्हा परिषद शिक्षण विभाग यांच्या संयुक्त विद्यमाने आयोजित जिल्हास्तरीय हॅकेथॉन स्पर्धेत कन्या विद्या मंदिर, उचगाव शाळेने पहिला क्रमांक मिळवला. "इको स्मार्ट गेट - सुरक्षितता व शाश्वत उद्योगशिलतेची नवी दिशा" प्रकल्पाचा विषय होता. प्रकल्पासाठी डॉ. निशा अजय काजवे यांच्या कल्पकतेने आणि मार्गदर्शनाने सहावीच्या चैत्राली वाडकर आणि स्नेहल साळुंखे यांनी प्रकल्प यशस्वीरीत्या सादर केला. यशासाठी डॉ. राजेंद्र भोई, सौ. राणीताई, संजय गांगण, मुख्याध्यापक शुभदा सुतार, सरपंच मधुकर चव्हाण तसेच शाळा व्यवस्थापन समिती अध्यक्ष कृष्णात रेवडे व उपाध्यक्ष गणेश नागटिळक, तसेच शाळेतील सहकारी शिक्षकांचे सहकार्य लाभले.