वारणानगरला आजपासून सुब्रतो फुटबॉल स्पर्धा

वारणेत आजपासून
सुब्रतो फुटबॉल स्पर्धा
वारणानगर : जिल्हास्तरीय सुब्रतो मुखर्जी फुटबॉल स्पर्धा १२ ते १५ जुलै दरम्यान येथील तात्यासाहेब कोरे मिलिटरी ॲकॅडमीच्या (सैनिक स्कूल) क्रीडांगणावर होणार असल्याची माहिती प्राचार्य टी. बी. ऱ्हाटवळ यांनी दिली. क्रीडा व युवक सेवा संचालनालय महाराष्ट्र राज्य पुणे, कोल्हापूर जिल्हा परिषद व जिल्हा क्रीडा कार्यालय कोल्हापूर यांच्यावतीने या स्पर्धाचे आयोजन केले आहे. स्पर्धेचे उद्‍घाटन प्रा. डॉ. शोभा कुंभार, जिल्हा क्रीडाधिकारी अरुण पाटील यांच्या हस्ते होणार आहे. जिल्ह्यातील सर्व शाळांमधील फुटबॉल संघ स्पर्धेत सहभागी होणार आहेत.