राशिवडे सभा

राशिवडे सभा

नियोजनशून्य कारभारामुळे
‘भोगावती’ कर्जाच्या गर्तेत

धैर्यशील पाटीलः राशिवडे बुद्रुक येथे जनसंवाद सभा

राशिवडे बुद्रुक, ता. १३ : ‘संचालक मंडळाच्या नियोजनशून्य कारभारामुळे भोगावती साखर कारखाना कर्जाच्या गर्तेत आहे. तसेच नोकरांना पगार, सभासदांना साखर नाही,’ असा आरोप भोगावती साखर कारखान्याचे माजी अध्यक्ष धैर्यशील पाटील- कौलवकर यांनी केला. ते येथे कारखाना निवडणुकीच्या पार्श्वभूमीवर जनसंवाद सभेत बोलत होते. अध्यक्षस्थानी प्रकाश रणदिवे होते.

पाटील म्हणाले, ‘आम्ही ६ लाख टन उसाचे गाळप केले होते. तसेच सभासदांना वेळेवर साखर, कामगारांना पगार दिले. १३ च्या वर उतारा कायम ठेवला. मात्र सत्ताधारी संचालक मंडळाने चुकीच्या पद्धतीने कर्ज करुन ठेवले आहे. सभासदांना वेळेत साखर नाही, कामगारांना पगार नाही. तसेच ऊस उत्पादक शेतकऱ्यांना ८ कोटी रुपये दिलेले नाही. भोगावतीला पुन्हा गतवैभव प्राप्त करून देण्यासाठी येणाऱ्या निवडणुकीत आम्हाला साथ द्या.’
शेतकरी संघटनेचे प्रदेशाध्यक्ष डॉ. जे. जी. पाटील म्हणाले, ‘भोगावती कारखाना बिनविरोध होण्यासाठी सर्वांनी एकत्र येण्याची गरज आहे.’ तानाजी ढोकरे म्हणाले, ‘सत्ताधारी संचालक मंडळाच्या काळात उसाचा उतारा पडल्याने टनाला ३५० रुपये तोटा झाला आहे. बगॅस, साखर, ताडपत्री चोरी प्रकरणामुळे कारखान्याचे नाव बदनाम झाले. याला संचालक मंडळ जबाबदार आहे.’
याप्रसंगी सुभाष लाड, गणपती चौगले, ज्ञानदेव चांदणे, कृष्णात तोडकर यांनी मनोगत व्यक्त केले.
यावेळी तुकाराम पाटील, सुनिल पाटील, संजय डोंगळे, सचिन रणदिवे, संजय पोवार आदी उपस्थित होते. स्वागत चंद्रहार पाटील यांनी केले. रविंद्र कानकेकर यांनी आभार मानले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com