राशिवडे-हसूर दुमाला रस्त्यावर खड्डा

03567
राशिवडे ः राशिवडे ते हसूर दरम्यान रस्ता खचल्याने उंच-सखल अशी परिस्थिती निर्माण होऊन धोकादायक खड्डा आहे. या खड्ड्यामुळे अपघात घडण्याची शक्यता आहे. (राजू कुलकर्णी ः सकाळ छायाचित्रसेवा)
........
राशिवडे-हसूर दुमाला रस्त्यावर खड्डा

अपघाताची शक्यता ः तातडीने बुजवण्याची मागणी

सकाळ वृत्तसेवा
राशिवडे बुद्रुक, ता. ७ : राशिवडे ते हसूर दुमाला (ता. करवीर) दरम्यान रस्त्यावर मधोमध पडलेला खड्डा आणि एकेरी झालेला रस्ता वाहतुकीसाठी धोकादायक बनला आहे. दूरवर चांगला असणारा रस्ता अचानक एकेरी आणि खड्ड्यामुळे प्रवाशांना अंदाज येत नाही. त्यामुळे अपघात होण्याची शक्यता आहे. हा परिसर सार्वजनिक बांधकाम विभागाची हद्द दर्शविणारा असल्याने हद्दीच्या वादात याकडे दुर्लक्ष होण्याची शक्यता आहे.
याच मार्गावरील राशिवडे-हसूर दरम्यान करवीर सार्वजनिक बांधकाम विभाग आणि राधानगरी विभागाची हद्द संपते. मध्यंतरी कित्येक वर्षांपासून हा एक किलोमीटरचा मार्ग हद्दीच्या वादात रेंगाळला होता. अलीकडेच याचे रुंदीकरण आणि मजबुतीकरण झाले. परंतु बरोबर या हद्दीच्या कक्षेतच वारंवार रस्ता खचण्याचे प्रकार घडतात.
हा काळवाट आणि पूर्वीचा ओढ्याचा, दलदलीचा परिसर असल्याने रस्ता खचतो आणि धोकादायक बनतो. सध्याही या दोन्ही गावांच्या हद्दीवरच हा रस्ता मोठ्या प्रमाणात खचला आहे. साधारणतः ५० फुटांपर्यंत रस्ता किमान नऊ ते दहा इंचापर्यंत एकेरी आणि सखल झाल्याने वेगाने आलेले वाहन अशा परिस्थितीत उलटण्याचाही धोका आहे. याकडे सार्वजनिक बांधकाम विभागामध्ये तातडीने लक्ष देऊन दुरुस्ती करावी, अशी मागणी होत आहे.
....