भडगाव फाट्यावर दुचाकीला अपघात; युवक जागीच ठार

मुरगूड : कागल - निढोरी राज्यमार्गावर दुचाकी आणि चारचाकीच्या धडकेत एम आय डी.सी चा कामगार जागीच ठार झाला. वैभव शिवाजी धुरी (वय - २५ रा.दोनवडे,ता.भुदरगड.) असे या दुर्दैवी युवकाचे नाव आहे. कागल निढोरी राज्यमार्गावर दुचाकी क्रमांक एम.एच.०९ ई पी.१९१८ ने दोनवडे,ता.भुदरगड येथील युवक प्रवास करत होता.

तो कागल पंचतारांकित औद्योगिक वसाहती (एम.आय.डी.सी.)मध्ये एका कंपनीत कामगार म्हणून काम करत होता.आज सकाळी तो कामावरुन आपल्या दुचाकीवरून घरी परतत होता.भडगाव फाट्यावर आल्यानंतर त्याच्या दुचाकीस (एम.एच.०९ए.एन.१९५४) या चारचाकी वाहनाची जोरदार धडक बसली.या धडकेत वैभव याच्या डोक्याला जोराचा मार लागल्याने तो जागीच ठार झाला.घटनास्थळी मुरगूड पोलीसांनी भेट देवून अपघाताचा पंचनामा केला.