तुंग (सांगली) : महाराष्ट्रातील सर्वांत मोठा बैल म्हणून गिनिज बुकात (World Records Guinness Book) नावलौकिक मिळवलेला... जन्म बैलाचा पण देह हत्तीचा असा भासणाऱ्या कसबे डिग्रज (ता. मिरज) येथील गज्या बैलाने आज अखेरचा श्वास घेतला. (world-records-guinness-book-of-gajya-bull-died-in-today-kasbe-digraj-sangli-news)
कृष्णा सायमोते आणि त्यांच्या कुटुंबियांनी सहा फूट उंच आणि दहा फूट लांब आकाराच्या, तसेच जवळपास १ टन वजन असलेल्या गज्याला आपल्या घरातील सदस्यांप्रमाणे वाढवले होते. महाराष्ट्रासह अनेक राज्यांमधील कृषी प्रदर्शनात विशेष आकर्षण राहिलेल्या गज्याने आजवर अनेक पुरस्कार मिळवले. त्याच्या अवाढव्य शरीरयष्टी, देखणेपणा आणि वजनामुळे कृषी प्रदर्शनात मोठी मागणी असायची. या माध्यमातून मालक सायमोते यांना गज्याने कर्जमुक्त केले होते.
दै. ‘सकाळ''नेही त्याला प्रसिद्धी दिली होती. त्याच्या कुंटुबीयांनी न विकता त्याचा शेवटपर्यत सांभाळ केला.बुधवारी दुपारी त्याचा हृदयविकाराने मृत्यू झाला. कृष्णा सायमोते यांनी त्यांच्या घरच्या शेतात गज्यावर अंत्यसंस्कार केले.
गज्याच्या अकाली जाण्याने कसबे डिग्रजसह तमाम बैलप्रेमींनी हळहळ व्यक्त केली. प्रचंड देह आसलेल्या गजाच्या हाडांचा सापळा शास्त्रीयदृष्ट्या संग्राहलयात ठेवण्यासाठी प्रयत्न करणार आसल्याचे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.