किल्लेमच्छिंद्रगड : लवणमाची (ता. वाळवा) येथे रेठरे बु।। (ता. कऱ्हाड) जयवंतराव भोसले कृष्णा कृषी महाविद्यालयाचे कृषिदूत दाखल झाले आहेत. हे कृषिदूत शेतकऱ्यांशी संवाद साधणार असल्याचे सरपंच छाया दुर्गावळे यांनी सांगितले. .हे कृषीदुत शेतीच्या उत्पादन वाढीसाठी करावयाच्या उपाययोजनांबद्दल शेतकऱ्यांना मार्गदर्शन करणार आहेत. याकरिता य.मो. कृष्णा सहकारी साखर कारखाना संचलित व महात्मा फुले कृषी विद्यापीठ, राहुरी संलग्न जयवंतराव भोसले कृष्णा कृषी महाविद्यालयातील कृषिदूत दाखल झाले आहेत. चतुर्थ वर्षाच्या पहिल्या सत्रात विद्यार्थ्यांना ग्रामीण कृषी कार्यानुभव हा पाच महिने कालावधीचा कार्यक्रम ग्रामीण भागात वास्तव्य करून पार पाडावयाचा असतो. यासाठी कृषी सामाजिक व शैक्षणिक क्षेत्रामध्ये अग्रगन्य तसेच सोयी सुविधांच्या दृष्टीकोनातून परिपूर्ण असलेल्या लवणमाची या गावाची निवड केली. .लवणमाची गावच्या लोकनियुक्त सरपंच सौ. छाया दुर्गावळे, माजी सरपंच विजय दुर्गावळे, उपसरपंच उत्तम डिसले, ग्रामपंचायत अधिकारी नितीन पाडवी, सदस्य रामदास सरोदे व गावातील शेतकऱ्यांनी कृषिदूतांचे स्वागत केले. कृषिदूत पवन भिंगार्डे, प्रथमेश बोखारे, प्रणीत चौगुले, सोहम डमाळे, रोशन गावित, सुशांत खताळ, सौरभ मारकड हे शेतातील नवीन तंत्रज्ञान शेतकऱ्यांना देणे, आधुनिक शेतीची प्रात्यक्षिके करून दाखविणे, शेतकऱ्यांना मार्गदर्शन करणे, तथा सामाजिक, कृषी कार्यक्रम, उपक्रम आयोजित करणे इत्यादी कामे करणार आहेत..प्राचार्य डॉ. अशोक फरांदे, कार्यक्रम समन्वयक प्रा. दिपक भिलवडे, कार्यक्रम अधिकारी प्रा. अमोल आडके व विषय तज्ज्ञ शिक्षक यांच्या मार्गदर्शनाखाली कृषिदूत काम करणार आहेत. शेतकऱ्यांनी या कृषी उपक्रमांचा लाभ घ्यावा, असे आवाहन कृषिदूत आणि महाविद्यालयाच्या माध्यमातून करण्यात आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
