"कृष्णा' कारखान्याचे यंदा इतक्या टनांचे उद्दीष्ट;  मिल रोलरचे झाले पूजन

सकाळ वृत्तसेवा
बुधवार, 1 जुलै 2020

यशवंतराव मोहिते कृष्णा सहकारी साखर कारखान्याने सन 2020-21 या आगामी गळीत हंगामासाठी 12 लाख मेट्रीक टन ऊस गाळपाचे उद्दीष्ट ठेवले आहे, असे प्रतिपादन अध्यक्ष डॉ. सुरेश भोसले यांनी केले.

इस्लामपूर (जि. सांगली) : यशवंतराव मोहिते कृष्णा सहकारी साखर कारखान्याने सन 2020-21 या आगामी गळीत हंगामासाठी 12 लाख मेट्रीक टन ऊस गाळपाचे उद्दीष्ट ठेवले आहे, असे प्रतिपादन अध्यक्ष डॉ. सुरेश भोसले यांनी केले. 

कारखान्यात 2020-21 या गळीत हंगामासाठी मिल रोलरचे पूजन डॉ. सुरेश भोसले व उपाध्यक्ष जगदीश जगताप यांच्या हस्ते करण्यात आले. त्यावेळी ते बोलत होते. संचालक दयानंद पाटील, संजय पाटील, धोंडीराम जाधव, अमोल गुरव, दिलीपराव पाटील, ब्रिजराज मोहिते, पांडूरंग होनमाने, सुजित मोरे, कार्यकारी संचालक सूर्यकांत दळवी, मनोज पाटील, एम. के. कापूरकर, बाळासाहेब पाटील प्रमुख उपस्थित होते. 

डॉ. सुरेश भोसले म्हणाले, ""शासनाने 15 ऑक्‍टोबरपासून गळीत हंगामास परवानगी दिली असून, त्यादृष्टीने कृष्णा कारखान्यात ऑफ सिझनमधील ओव्हर ऑईलिंगची कामे गतीने सुरू आहेत. त्याचबरोबर तोडणी वाहतूकीचे करारही अंतिम टप्प्यात आले आहेत. येणाऱ्या गळीत हंगामात मोठ्या प्रमाणात ऊसाची उपलब्धता असणार आहे. यासाठी सभासद शेतकरी बांधवांनी लवकरात लवकर आपल्या ऊसाची नोंद कृष्णा कारखान्याकडे करावी.''

डॉ. सुरेश भोसले व जगदीश जगताप यांच्या हस्ते धार्मिक विधी करून रोलरचे पूजन करण्यात आले. यांत्रीक कळ दाबून रोलर बसवण्याच्या कामास प्रारंभ करण्यात आला. पी. डी. राक्षे, सुहास घोरपडे, डी. जी. देसाई, प्रतापसिंह नलवडे, गिरीष इस्लामपूरकर, अरुण पाटील, आर. जे. पाटील, रविंद्र देशमुख, कार्यालयीन अधिक्षक नीलेश देशमुख, जी. बी. मोहिते उपस्थित होते. सोशल डिन्स्टसिंगचे पालन करुन कार्यक्रम झाला. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Krishna factory's target for 12 Million tons this year