महाविकास आघाडीचा दळभद्री कारभार ; राजू शेट्टींची बोचरी टीका

देवराष्ट्रे : देवराष्ट्रे (ता. कडेगाव) येथे  स्व. यशवंतराव चव्हाण यांच्या पुतळ्यास पुष्पहार अर्पण करून हुंकार बळीराजा यात्रेचा प्रारंभ करण्यात आला तसेच देवराष्ट्रे येथे शाखा उद्घाटन करण्यात आले. महाविकास आघाडीचा दळभद्री कारभार आहे, अशी सरकारवर टिका स्वाभिमानी  शेतकरी संघटनेचे अध्यक्ष राजु शेट्टी यानी केली. ते हुंकार यात्रेत बोलत होते. जिल्हा अध्यक्ष महेश खराडे, रामदास महिंद, जिल्हा कार्याध्यक्ष संदीप राजोबा, राज्यविज अभ्यासक श्रीदास होनमाने उपस्थित होते.

राजु शेट्टी म्हणाले की, आम्ही काय बैल आहोत का या भाषेत राज्यकर्त्याना सुनावले. शेतकऱ्याना 8 तास विज व इतराना 24 तास विज असा दुजाभाव सरकार करीत आहे. महाराष्ट्रात विज दर जादा इतर राज्यात कमी तरी सरकारने याचा अभ्यास करावा.महाविकास आघाडीचा दळभद्री कारभार आहे. यशवंतरावांचे खरे वारसदार आम्ही आहोत त्यांच्या विचार आम्ही जपत आहोत.शरद पवार कारखानदारांचे नेते आहेत. कृषिमंत्री असताना त्यांनी शेतकऱ्यांच्या हित जपले नाही. महाविकास आघाडी दळभद्री कारभार करीत आहे. शेतकऱ्यांच्या हिताचे धोरण जपले जात नाही. शेतकऱ्यांना दिवसा विज दिली जात नाही. रात्रीची विज पुरवठा केला जात आहे. विज बिल अव्वाच्या सव्वा दिली जात आहेत. महाराष्ट्रात विजेचे दर जादा आहेत. इतर राज्यात विजेचे दर कमी आहेत. सरकारने याचा अभ्यास करावा. शेतकऱ्यांच्या प्रश्नांवर मुंबई, दिल्लीत बसलेले सरकार लक्ष देत नाही. दिवसा विज मिळण्यासाठी व शेतकऱ्यांना हमीभाव मिळावा यासाठी ग्रामसभेत ठराव घ्या. आजच्या घडिला सरकार सहा टक्के शेतमाल खरेदी करीत आहे.इतर माल बाजारात विक्री केला जात आहे. शेतकऱ्यांच्या प्रश्नावर सरकारला कोर्टात खेचुन तोंडावर पाडणार आहे.आणि येणारा हंगाम शेतकऱ्यांना एकरकमी एफआरपी दिली नाही तर कारखाने सुरु करू देणार नाही असे स्वाभिमानी शेतकरी संघटनेचे अध्यक्ष राजू शेट्टी म्हणाले.यावेळी बाबसो महिंद, भीमराव होनमाने आदि मान्यवर मोठ्या संख्येने शेतकरी होते.