राज्यात 60 दिवसांत 52 हजार, तर सांगलीत बसविले 1140 सौर पंप; आता शेतकऱ्यांना शेतीसाठी दिवसाही करता येणार वीजपुरवठा

सांगली : राज्य सरकारने निश्चित केलेल्या शंभर दिवसांच्या उद्दिष्टांपैकी ‘मागेल त्याला सौर कृषी पंप योजने’त (Solar Agricultural Pump Scheme) ५२ हजार ७०५ सौर पंप बसविण्याचे उद्दिष्ट ‘महावितरण’ने ६० दिवसांत पूर्ण केले आहे. यामध्ये सांगली जिल्ह्यातील ११४० शेतकऱ्यांनी सौर ऊर्जा पंप बसविले आहेत. उर्वरित अर्जदारांची कामे सुरू आहेत. या योजनेंतर्गत शेतकऱ्यांना (Farmers) शेतीसाठी दिवसा वीजपुरवठा करता येणार आहे.