इस्लामपूर (जिल्हा सांगली) - पत्नीबरोबर अनैतिक संबंध असल्याच्या संशयातून दोघांनी मिळून सौरभ राजेंद्र केर्लेकर (वय-३०, रा. माळ गल्ली, इस्लामपूर) याचा खून केल्याची खळबळजनक घटना येथे घडली आहे..इस्लामपूर-वाघवाडी रस्त्यावरील एका धाब्याच्या परिसरात काल मध्यरात्री उशिरा घडलेला हा प्रकार आज सकाळी उघडकीस आला. मंगळवारी (ता. २२) रात्री अडीच वाजण्याच्या सुमारास ही घटना घडली.याप्रकरणी अरविंद उर्फ राघू सुभाष साठम (वय-३२, रा. शिवनगर, इस्लामपूर) व किरण रामचंद्र सातपुते (वय-३५, मूळ रा. रेड, ता. शिराळा, सध्या रा. संभूआप्पा मठाजवळ, इस्लामपूर) या दोघांवर गुन्हा दाखल करण्यात आला आहे. याबाबत गणेश रामचंद्र केर्लेकर (वय-३८, इस्लामपूर) यांनी इस्लामपूर पोलीस ठाण्यात फिर्याद दिली आहे..याबाबत पोलीस निरीक्षक संजय हारूगडे यांनी दिलेली माहिती अशी, की अरविंद उर्फ राघू साटम याच्या पत्नीसोबत सौरभ राजेंद्र केर्लेकर याचे अनैतिक संबंध असल्याचा राग मनात धरून किरण रामचंद्र सातपुते याने वाघवाडी फाटा येथील अशोक धाब्याच्या समोरील गेटजवळ बोलावले आणि सौरभ याला पकडून ठेवले होते.अरविंद उर्फ राघू साटम याने त्याच्याकडील हातात असलेल्या लाकडी बेसबॉल स्टिकने केर्लेकर यांच्या डोक्यात व चेहऱ्यावर मारहाण करून गंभीर जखमी केले. मारहाण करून दोघे आपापल्या घरी गेले. दरम्यान केर्लेकर याचा मारहाण केलेल्या जागीच मृत्यू झाला होता..सकाळी लवकर त्याचा मृत्यू झाल्याचे लक्षात येताच मारेकरी संशयित पळून जाण्याच्या तयारीत असल्याचे पोलिसांच्या लक्षात येताच पोलीस निरीक्षक संजय हारुगडे यांनी तात्काळ यंत्रणा लावत या दोघांनाही ताब्यात घेतले.श्री. हारुगडे यांच्यासोबत ज्योती सूर्यवंशी, दीपक ठोंबरे, यशवंत कोळी, अमोल सावंत, शशिकांत शिंदे दीपक घस्ते, विशाल पांगे, सचिन भंडारे या पथकाने वाघवाडी -पेठनाका नाका या सेवा रस्त्यावरील सह्याद्री हॉटेलच्या समोरच्या रस्त्यावर या दोघांना ताब्यात घेतले..त्यांच्याकडे माहिती काढली असता दोघांनी सुरुवातीला उडवाउडवीची उत्तरे दिली. त्यानंतर पोलीस ठाण्यात आणून पोलिसी खाक्या दाखवताच दोघांनीही केलेल्या खुनाची कबुली दिली. केर्लेकर हा अविवाहित होता आणि सध्या डी. जे. ऑपरेटर म्हणून काम करत होता.तत्पूर्वी तो एका रुग्णवाहिकेवर चालक म्हणूनही कामास होता. हे दोघेही मारेकरी सध्या एका धाब्यावर कामगार होते. पत्नीबरोबरील संशयानंतर केर्लेकर याला वाघवाडी फाट्यावर बोलवून घेतले आणि जबर मारहाण केली. पूर्वी त्याने ब्लॅकमेल केल्याचा व पैसेही मागितल्याचा संशय आहे..वाघवाडी फाट्यावर खून झाल्याच्या ठिकाणी दुचाकी जागेवरच पडली होती. पोलिसांना घटना समजताच त्यांनी तात्काळ सूत्रे फिरवत बारा तासांच्या आत खुन्यांना पकडण्यात यश मिळवले. साठम आणि केर्लेकर हे दोघे नातेवाईक आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
