Maratha Reservation : सकल मराठा समाजाचा आरक्षणासाठी पन्हाळ्यात रस्ता रोको

पन्हाळा : मराठा समाजाला २४ऑक्टाेबर पर्यंत आरक्षण देण्याचे आश्वासन न पाळून समाजाची फसवणूक करणाऱ्या राज्य शासनाच्या निषेधार्थात व आरक्षणासाठी गेली सात दिवसांपासून उपोषणाला बसलेल्या मनोज जरांगे पाटील यांच्या उपोषणास पाठींबा देणेसाठी पन्हाळ्यातील मराठा समाजाने आज रस्तारोको आंदोलन केले.

त्याच बरोबर ठिय्या आंदोलनाचे आयोजन केले आहे. पन्हाळ्यात आज प्रवासीकर नाक्यावर रस्ता रोको केला. सकाळीच रस्तारोको आंदोलन झाल्यामुळे सरकारी कर्मचारी व अन्य कर्मचारी कामावर पोहचू शकले नाही. त्यामुळे नेहमीच पंख्याच्या वाऱ्यात खुर्चीवर विसावणारे कर्मचारी झाडाच्या सावलीत बसले होते.

तर शाळेच्या परीक्षा चालू असल्याने मुलांना अडवले नसल्याने ते वेळेत परीक्षेला पोहचू शकले.आज रस्तारोको आंदोलनात महिलांही मोठ्या संख्येने सहभागी झाल्या होत्या.यावेळी पन्हाळा पोलीसांनी चोक बंदोबस्त ठेवला होता.