कोल्हापूर - मराठा समाजातील तरुण-तरुणींना पुरेशा नोकऱ्या नाहीत. व्यावसायिक अभ्यासक्रमांचे शुल्क परवडत नाही. त्यामुळे शिक्षण आणि नोकरीत मराठा समाजाला आरक्षणाची गरज आहे. आरक्षणामुळे मराठा समाजाचा विकास होणार आहे, असे प्रतिपादन खासदार धनंजय महाडिक यांनी केले. छत्रपती शिवाजी चौकात सुरू असणाऱ्या शौर्यपीठ ठिय्या आंदोलनात ते बोलत होते.
सकल मराठा समाज शौर्यपीठतर्फे छत्रपती शिवाजी चौकात ठिय्या आंदोलन सुरू आहे. खासदार महाडिक यांनी या आंदोलनाला आज भेट दिली. मराठा समाजाच्या मागणीला पाठिंबा व्यक्त करून त्यांनी आरक्षणाविषयी भूमिका मांडली.
या वेळी महापालिका विरोधी पक्षनेते विलास वास्कर, नगरसेवक अजित ठाणेकर, विजयसिंह खाडे-पाटील, चंद्रकांत बराले, प्रसाद जाधव, राजू जाधव, जयदीप शेळके, महेश कुलकर्णी, हिंदूराव शेळके, अक्षय घाटगे, दीपाताई पाटील, गायत्री राऊत, सुजाता चव्हाण आदींनी उपस्थित होते.
लोकसभेत पहिल्यांदा मागणी
श्री. महाडिक म्हणाले, की मराठा आरक्षण मिळावे, ही मागणी सर्वांत पहिल्यांदा लोकसभेत आपण केली. कारण मराठा समाजातील सर्वसामान्य माणसाची व्यथा आपण सर्वच जण जाणतो आहोत. मराठा तरुण-तरुणींना पुरेशा नोकऱ्या नाहीत. व्यावसायिक अभ्यासक्रमांचे शैक्षणिक शुल्क त्यांना परवडत नाही. मराठा समाजातील श्रीमंत लोकांना जरी आरक्षणाची गरज नसली, तरी सर्वसामान्य लोकांना आहे. त्यामुळे शिक्षण आणि नोकरीत मराठा समाजाला आरक्षण मिळणे आवश्यक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
