Miraj Government Hospital Slab Collapse : मिरज शासकीय रुग्णालयाच्या आवारात मोठी दुर्घटना; नवीन कमानीचा स्लॅब कोसळला, 7 कामगार जखमी, एकाची प्रकृती गंभीर

मिरज : मिरज शासकीय रुग्णालय तथा वैद्यकीय महाविद्यालयाच्या आवारात सुरू असलेल्या प्रवेशद्वाराच्या बांधकामाची कच्ची कमान बांधकाम सुरू असताना अचानक कोसळल्याने सात जण जखमी झाल्याची घटना सोमवारी (ता.२१) दुपारी दीडच्या सुमारास घडली. यातील एका जखमीची प्रकृती गंभीर असल्याचे रुग्णालय प्रशासनाकडून सांगण्यात आले. जखमींना तातडीने शासकीय रुग्णालयात उपचारासाठी दाखल करण्यात आले आहे.