खोची, जि. कोल्हापूर - संपूर्ण कर्जमुक्ती व दीडपट हमीभाव या दोन मागण्या मान्य झाल्या असून लोकसभेसाठी किमान तीन जागा मिळाल्यास काँग्रेस, राष्ट्रवादी महाआघाडीत सहभागी होणार आहे, अशा माहिती खासदार राजू शेट्टी यांनी दिली. बुलढाणा, वर्धा व हातकणंगले या लोकसभेच्या जागा बाबत चर्चा सुरू आहे. लवकरच निर्णय होईल अशी आशाही श्री शेट्टी यांनी यावेळी व्यक्त केली.
श्री. शेट्टी खोची (ता. हातकणंगले) येथे रस्ता कामाच्या प्रारंभ कार्यक्रमासाठी आले होते. त्यावेळी त्यांनी पत्रकारांशी संवाद साधला.
श्री. शेट्टी म्हणाले, महाआघाडीच्या नांदेड येथील सभेसाठी निमंत्रण आले आहे. बुलढाण्यासाठी रविकांत तुपकर, वर्ध्यासाठी माजी केंद्रीय मंत्री सुबोध मोहिते व हातकणंगलेतून मला स्वतःला उमेदवारी संघटनेतून दिली जाणार आहे. सात जागांची मागणी महाआघाडीकडे केली आहे. परंतु तीन जागेवर समाधानी असल्याचेही त्यांनी सांगितले. तसेच महाआघाडीत सहभागी झाल्यानंतर शेतकऱ्यांना सविस्तर कारण समजावून सांगितले जाईल. कार्यकर्त्यांच्या मागणीनुसार महाआघाडीशी चर्चा सुरू आहे.
लोकसभेत स्वाभिमानी शेतकरी संघटनेचे किमान तीन खासदार निवडून आल्यास शेतकऱ्यांसाठी चांगल्या पध्दतीने काम करता येईल असेही श्री शेट्टी म्हणाले. साखर कारखान्यांना एफआरपीची रक्कम द्यावीच लागेल. त्यापेक्षा जादा दर मिळणे कठीण आहे. असे सध्या चित्र आहे. मोदी सरकार विरोधात जनतेतून नाराजी आहे. पंतप्रधान नरेंद्र मोदी विरोधी पक्षात असताना जे बोलत होते, तसे आता बोलत नाहीत.त्यामुळे त्याचा तोटा त्यांना होणार आहे, असेही श्री शेट्टी म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
