पाथर्डी : हप्ता देण्यास विरोध केल्याने कुऱ्हाडीचे घाव घालून रांजणी येथे बांधकाम मजुराचा खून केल्याप्रकरणी पाथर्डी पोलिसांनी चौघांविरुद्ध गुन्हा दाखल केला. साहिल पठाण (रा. खोसपुरी, ता. नगर), असे मृताचे नाव आहे. साहेबराव पवार, बुट्ट्या पवार (रा. रांजणी) व अन्य दोघांचा आरोपींमध्ये समावेश आहे.
बांधकाम मजूर
रांजणी येथील नवनाथ मारुती घोडके यांच्या घराच्या बांधकामाचा ठेका मुबारक अब्दुल पठाण (रा. खोसपुरी) यांनी घेतला आहे. गेल्या 10 दिवसांपासून साहिल पठाण याच्यासह इरफान हसन पठाण, रसूल बेग, युनूस पठाण (रा. खोसपुरी) तेथे मजुरीने बांधकाम करीत होते. काम सुरू असताना मंगळवारी (ता. तीन) दुपारी एक वाजता तेथे गावातील आरोपी साहेबराव पवार, बुट्ट्या पवार व त्यांचे दोन साथीदार आले.
आम्हाला हप्ता द्यावा लागेल
"आमच्या गावात बाहेरून येऊन मजुरी करायची असेल, तर आम्हाला हप्ता द्यावा लागेल,' अशी दमदाटी केली. त्यावरून साहिल पठाण याच्यासोबत आरोपींचा वाद सुरू झाला. घरमालक घोडके यांनी मध्यस्थी करीत संबंधितांना समजावून सांगितले. त्यानंतरही पवार व त्याच्या साथीदारांनी साहिल पठाण यास खंडोबा मंदिराजवळ नेले.
डोक्‍यात कुऱ्हाडीने वार
तेथे आरोपींनी साहिल पठाणच्या डोक्‍यावर कुऱ्हाडीने वार केला. त्यात तो गंभीर जखमी झाला. त्यास प्रथम पाथर्डी येथे व नंतर नगर येथील खासगी दवाखान्यात हलविले. मात्र, मोठ्या प्रमाणात रक्तस्राव झाल्याने उपचारादरम्यान साहिलचा काल (मंगळवारी) रात्री मृत्यू झाला. याबाबत इरफान हसन पठाण यांच्या फिर्यादीवरून पोलिसांनी गुन्हा दाखल केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
