पंढरपूर : येथील कराडकर महाराज मठाचे मठाधिपती जयवंतबुवा पिसाळ (वय 34) यांचा आज (मंगळवारी) दुपारी खून करण्यात आला. ही घटना येथील झेंडे गल्लीतील मारुतीबुवा कराडकर मठामध्ये दुपारी अडीच वाजण्याच्या सुमारास घडली. मठाधिपती होण्याच्या वादातून बाजीराव जगताप (वय 35) यांनी जयवंतबुवा पिसाळ यांचा खून केल्याची प्राथमिक माहिती पुढे आली आहे.
याबाबत अधिक माहिती अशी, की येथील अनिलनगर परिसरात मारुतीबुवा कराडकर यांचा मठ आहे. कराड भागातील रहिवासी जयवंतबुवा पिसाळ आणि बाजीराव जगताप यांच्यामध्ये मठाधिपती होण्यावरून वाद सुरू होता. या वादाचे रूपांतर भांडणामध्ये झाले. आणि यातूनच बाजीरावबुवा कराडकर यांनी जयवंतबुवा पिसाळ यांचा चाकूने वार करून खून केल्याची प्राथमिक माहिती समोर येत आहे. उपविभागीय पोलिस अधिकारी डॉ. सागर कवडे आणि वरिष्ठ पोलिस निरीक्षक दयानंद गावडे यांनी या माहितीला दुजोरा दिला आहे.
जयवंतबुवा पिसाळ हे कराडकर मठाचे विद्यमान मठाधिपती आहेत, तर बाजीरावबुवा जगताप हे माजी मठाधिपती होते. हा मठ बंडातात्या कराडकर यांच्याशी संबंधित असल्याचे सांगण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
