धनगर समाजातील सर्व पोट जातींनी एकत्रित लढा देण्याची गरज 

wadgaon
wadgaon

वडगाव निंबाळकर - राजकारणाचे जोडे बाजुला ठेउन धनगर समाजाच्या विविध पोटजातीमधील सर्वांनी एकत्र या. एकीचे बळ आपल्याला पुढे घेउन जाईल असे मत आमदार दत्तात्रेय भरणे यांनी व्यक्त केले. 

शेगर धनगर समाजाच्या राज्य अध्यक्षपदी सुनिल भगत यांची निवड झाली याबद्दल नुतन पदाधिकाऱ्यांचा नागरी सत्कार समारंभ कोऱ्हाळे बुद्रुक (ता. बारामती) येथे ग्रामस्थांनी आयोजित केला होता. यावेळी आयोजित कार्यक्रमात मार्गदर्शन करताना भरणे बोलत होते. 

भाजपा राज्य उपप्रदेशाध्यक्ष बाळासाहेब गावडे, माजी आमदार पोपटराव गावडे, माजी जि. प अध्यक्ष संपत देवकाते, शामराव काकडे, रामचंद्र भगत, छगन आटोळे, डॉ. विजय कोकणे, शिवलाल गावडे, महादेव गावडे उपस्थित होते. प्रत्येकाने आपल्या समाजाचे संगठण करणे गरजेचे आहे. पण दुसऱ्या समाजाचा दुस्साहस नको, धनगर आणि धनगड महाराष्ट्रात एकच आहेत. समाजाला आरक्षण मिळण्यासाठी मागणीनुसार सरकारने कोर्टाला सर्टिफिकेट दिले आहे. 

यामुळे एसटीचे आरक्षण मिळणार येत्या २७ तारखेला कोर्टात हेरींग आहे. याच वेळी कदाचीत आपल्या बाजुने निकाल लागु शकतो असे सुतोवाच भाजपा नेते बाळासाहेब गावडे यांनी बोलताना केले. सत्कारमुर्ती सुनिल भगत यांनी यापुढील काळात समाजातील सर्वसामान्य तरूण वर्गाला बरोबर घेउन त्यांच्या उन्नतीसाठी प्रयत्नशील राहणार असल्याचे सांगीतले. प्रास्तावीक डि. जी माळशिकारे यांनी आभार तानाजी मिंड यांनी मानले.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com