निपाणी : ग्रामपंचायत निवडणूक मतदानासाठी भागात आज चांगला प्रतिसाद लाभला. मतदार मतदानासाठी उत्साहाने बाहेर पडले आहेत. निपाणी नजीकच्या यरनाळ येथील युवतीने लग्नाच्या बोहल्यावर चढण्याआधी मतदान करून आपले कर्तव्य पार पाडले. त्यामुळे तिचे कौतुक होत आहे. आरती रामचंद्र संकपाळ असे या नववधूचे नाव आहे.
आज सकाळी 7.30 वाजता हळदीचा कार्यक्रम होता, तर 11. 45 ला अक्षतारोपणाचा मुहूर्त होता. मात्र मतदान करूनच लग्न करायचे असा निश्‍चय करून तिने सकाळी 7 वाजता मतदान केंद्र गाठले. यावेळी आरतीसह तिच्यासोबत आलेल्या वऱ्हाडानेही मतदान केले. आरतीने एमबीएची पदवी संपादन केली असून तिचा विवाह कागल येथील अनिकेत कोरे यांच्याशी रविवारी झाला. आरतीच्या विवाहाला प्रभागातील अनेकांना निमंत्रण असल्याने अनेक मतदारांनी देखील याचवेळी मतदान केले.
आज तालुक्‍यात ग्राम पंचायतीसाठी मतदान झाले. अशातच बोहल्यावर चढण्यापूर्वी मतदानाचा हक्क बजावलेल्या आरतीचे लग्न गावात चर्चेचा विषय बनला. आपण लोकशाही व्यवस्थेत असल्याने प्रत्येकाने मतदानाचा हक्क बजावला पाहिजे, असा संदेश आरतीने यानिमित्त दिला आहे. मतदानावेळी तेथील उपस्थित उमेदवार, कार्यकर्त्यांनी तिच्या विवाह कार्यास शुभेच्छा दिल्या.
"लोकशाही बळकटीकरणासाठी मतदानाचा हक्क बजावणे प्रत्येकाचे कर्तव्य आहे. मतदान करून बोहल्यावर चढत असल्याचे समाधान वाटते."
- आरती संकपाळ, मतदार, यरनाळ
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.