इस्लामपूर (जिल्हा सांगली) - येथील भाजी मंडई परिसरात अजिंक्य बझारच्या समोरील पान टपरीजवळ कुख्यात गुंड नितीन संजय पालकर (वय-३५, रा. किसाननगर, इस्लामपूर) याचा दोन अज्ञात हल्लेखोरांनी धारदार शस्त्राने खून केला आहे..भरदिवसा दुपारी दीड वाजण्याच्या सुमारास भर उन्हात घडलेल्या या घटनेने इस्लामपूर शहर हादरले आहे. काही तासांपूर्वीच घडलेल्या खुनाच्या एका प्रकरणानंतर सलग झालेला दुसरा खून चर्चेत आला आहे.अट्टल गुन्हेगार नितीन संजय पालकर हा पोलिसांच्या रेकॉर्डवरील कुख्यात गुंड आहे. खंडणी, हाणामारी, खुनी हल्ले यासह त्याच्यावर अनेक गंभीर गुन्हे दाखल आहेत. यापूर्वी त्याच्यावर मोक्का अंतर्गत कारवाईही करण्यात आली होती; मात्र तो सध्या जामिनावर बाहेर होता..आज बाजाराचा दिवस असतो, त्यामुळे मंडई परिसरात मोठी गर्दी होती. दुपारी दीड वाजता घडलेल्या या घटनेनंतर मोठ्या प्रमाणात बघ्यांची गर्दी जमली होती. घटना घडताच लोकांच्यात घबराटीचे वातावरण निर्माण झाले.रक्ताच्या थारोळ्यात पडलेल्या पालकर याला उपजिल्हा रुग्णालयात हलवण्यात आले, परंतु तत्पूर्वीच त्याचा मृत्यू झाला होता. पोलीस निरीक्षक संजय हारुगडे यांनी तात्काळ घटनास्थळी धाव घेत मोठ्या प्रमाणात पोलीस फौजफाटा तैनात केला आणि गर्दीवर नियंत्रण आणले..भर रस्त्यात रहदरीच्या ठिकाणावर हा प्रकार घडल्याने तहसील कार्यालय चौक परिसरात मोठ्या प्रमाणात वाहतूक कोंडी झाली होती. हल्लेखोरांच्या शोधासाठी पोलीस पथके रवाना झाली आहेत. पालकर याला जुलै २०२४ मध्ये पिस्टल आणि काडतुसांसह पोलिसांनी ताब्यात घेतले होते..याच महिन्यात त्याने एका बिअर बारमध्ये दारू पिण्यासाठी एकाने पैसे न दिल्याच्या रागातून डोक्यात बाटली फोडून एकाला गंभीर जखमी केले होते. तत्पूर्वी त्याच्यावर जमाव जमवून हल्ला करणे, गर्दी-मारामारी, खंडणी याबाबतचे गुन्हे दाखल असल्याचे पोलिसांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
