शिकोबा डोंगरावर ३ मृतदेह आढळ्यानं खळबळ; तासगांव तालुक्यातील घटना

तासगाव : तासगाव तालुक्यातील मनेराजुरी गावाच्या ह्ददीत असलेल्या शिकोबा डोंगरावर दोन तरुणी आणि एका तरुणाने आत्महत्या केल्याचा प्रकार आज सकाळी उघडकीस आला. मृतदेहाशेजारी विषारी द्रव्य असलेली बाटली सापडल्याने ह्या आत्महत्या असाव्यात असा प्राथमिक अंदाज आहे.

एका ठिकाणी तीन मतृदेह सापडल्याची माहिती समजताच तासगावचे पोलीस निरीक्षक संजीव झाडे यांच्यासह पोलीस पथकाने घटनास्थळी धाव घेतली. घटनास्थळी डोरमिक्स नावाची द्राक्षबागेवर फवारण्याचे विषारी द्रव्याची बाटली सापडल्याने ह्या आत्महत्या असाव्यात असा पोलिसांचा अंदाज आहे. पोलिसांनी मृतदेह ताब्यात घेऊन उत्तरीय तपासणीसाठी तासगाव येथील ग्रामीण रुग्णालयात पाठविले. हरीश हणमंत जमदाडे वय २१ रा मनेराजुरी असे मृत युवकाचे नाव असून दोन्ही मयत युवतींची ओळख पटविण्याचे काम सुरू आहे. त्यापैकी एक जायगव्हाण ता कवठेमहांकाळ येथील असल्याचे समजते.