आमदार जोल्ले यांच्या उपस्थितीत ग्रामपंचायत सदस्या अर्चना कांबळे यांनी इमारत आवारात श्रीफळ वाढवून उद्घाटन झाल्याचे सांगितले. यावेळी दोन्ही गटांतील कार्यकर्त्यांची झटापट झाली.
निपाणी : यरनाळ (ता. निपाणी) येथील ग्रामपंचायत (Yarnal Gram Panchayat) इमारत उद्घाटनावरून मंगळवारी (ता. १३) राजकीय संघर्ष उफाळून आला. त्यानिमित्त काँग्रेस (Congress) व राष्ट्रवादी काँग्रेसचे नेते, कार्यकर्त्यांसह दलित बांधव आणि भाजप नेते, कार्यकर्ते, भाजप समर्थक दलित बांधव एकामेकांसमोर भिडले. यामुळे गावात गदारोळ झाला.
