काय चालत मशिद-मदरशात....

सांगली : जमाअते इस्लाम हिंद संघटनेच्यावतीने देशभरात व्यापक जनप्रबोधनाचा भाग म्हणून मशिद आणि मदरशाचे अंतरंग जाणून घेण्यासाठी मोहिम सुरु करण्यात आली आहे. जिल्ह्यातील या मोहिमेचा प्रारंभ मिरजेतील बक्करसाब मशिदीतील सद्‌भावना महोत्सवाच्या निमित्ताने झाला. आठवडाभरात सांगली आणि मिरजेतही असे उपक्रम होत आहेत. 

मदरसे आणि मशिदींबाबत दृष्टीकोन
गेल्या काही वर्षात मदरसे आणि मशिदींबाबत सतत नकारात्मक प्रचार झाल्याने त्यांच्याकडे पाहण्याचा दृष्टीकोन बदलावा यासाठी जमाअते हिंद संघटनेने पुढाकार घेतला आहे. या उपक्रमांतर्गत मशिदीतील धार्मिक विधी, त्यांचा मराठीत अर्थ समजून सांगणे,अजानचा अर्थ, वजू, नमाज, दुवा म्हणजे नेमके काय? मदरशांमध्ये कोणते धार्मिक शिक्षण दिले जाते, तेथील ग्रंथसंपदा, अभ्यासक्रमाचे स्वरुप आदी समजून सांगण्यासाठी संघटनेने तज्ज्ञांचा चमूच नियुक्त केला आहे.

हेही वाचा- ब्रेकिंग - आंतरराष्ट्रीय शिक्षण मंडळ बरखास्त....

मशिद-मदरशाची व्यवस्था पाहणाऱ्या स्थानिकांकडून सद्‌भावना समारंभाचे आयोजन करून त्यासाठी सर्व धर्मिय कार्यकर्ते, संघटनांच्या प्रतिनिधींना निमंत्रित करण्यात येत आहे. चर्चा विनिमयातून त्यांच्याशी संवाद-प्रश्‍नोत्तरे असे या समारंभाचे स्वरुप आहे. 

हेही वाचा- लग्न करायचे आहे, कोणी वधू देता का वधू -

भारतीय समाजातील संवाद कमी झाल्यामुळे

"" मशिद परिचय उपक्रम देशव्यापी आहे. सर्व धर्म आणि विचारांच्या नागरिकांसाठी हा खुला कार्यक्रम आहे. मशिद किंवा मदरसे पुर्वीही मुस्लिमेत्तरांसाठी खुले होते मात्र गेल्या काही वर्षात भारतीय समाजातील हा संवाद कमी झाला होता. त्याचे दुष्परिणाम म्हणजे मुस्लिमांच्या धार्मिक स्थळांबाबत वाईट प्रचार झाला. त्याचे निरसन व्हावे यासाठी हा प्रयत्न आहे.'' 
कासीम मुल्ला ,जमाअते इस्लामी हिंद 

हेही वाचा-काँग्रेसमधून आलेल्यांनी निष्ठावतांना सल्ले देवू नयेत..

एकोपा वाढवणारा उपक्रम

मिरजेतील बक्करसाब मशिदीतील सद्‌भावना समारंभासाठी उपस्थित राहता आले. हा विश्वास- एकोपा वाढवणारा उपक्रम आहे. अष्टगंधाचा नाम ओढलेले आणि टोप्या घातलेले हिंदू-मुस्लिम बांधवांमधील सहभोजन आणि चर्चा-संवाद सध्याच्या निराशेच्या वातावरणातील आशादायी असाच. प्रा. वाहीद खान यांनी सर्वांच्या प्रश्‍नांना खुलेपणाने उत्तरे दिली. अशा उपक्रमांची गरजही अधोरेखित झाली.'' 
गणेश तोडकर, मिरज