गजा मारणे कुख्यात गुंड असल्याने त्याला अनेक विरोधक आहेत. कारागृहात इतरांबरोबर ठेवले तर विरोधी टोळ्यांमधील गुंड हल्ला करण्याची शक्यता असल्याने सुरक्षितता म्हणून सांगलीत आणले आहे.
सांगली : पुण्यातील कोथरूड भागातील गुंड गजानन ऊर्फ गजा मारणे (Gaja Marne) याच्यावर ‘मोका’ची कारवाई झाल्यानंतर त्याची रवानगी सांगलीच्या मध्यवर्ती कारागृहात (Sangli Central Jail) करण्यात आली आहे. पाच दिवसांपासून मारणेचा मुक्काम येथे आहे. सध्या कारागृहात क्षमतेहून दुप्पट कैदी असल्याने प्रशासनावर ताण आहे.