बेळगाव : नैऋत्य रेल्वेने बेळगाव ते पंढरपूर व हुबळी पंढरपूर दरम्यान आषाढी स्पेशल चालविण्याचा निर्णय घेतला आहे. या दोन्ही रेल्वेंची एकच फेरी असणार आहे. यामुळे आषाढी एकादशीनिमित्त पंढरपूरला जाणाऱ्या प्रवाशांना याचा फायदा होणार आहे. बेळगाव येथील सिटीजन कौन्सिलने दिलेले निवेदन व खासदार मंगला अंगडी यांच्या विनंतीला मान देऊन ही रेल्वे सुरू करण्यात आली असल्याची माहिती नैऋत्य रेल्वेने दिली. हुबळी ते पंढरपूर दरम्यान 07385 या क्रमांकाची रेल्वे धावेल. हुबळी येथून शनिवारी (ता.९ ) सकाळी ७ वाजता निघून बेळगावला ही रेल्वे ९ वाजून ४५ मिनिटांनी पोहोचेल. पाच मिनिटांचा थांबा घेऊन ९.५० ला पुढे मार्गस्थ होणार आहे. त्यानंतर शनिवारी दुपारी ४ वाजून ३० मिनिटांनी ही रेल्वे पंढरपूरला पोहोचेल.
परतीच्या प्रवासात पंढरपूर ते हुबळी ही ०७३८६ रेल्वे रविवारी (ता.१०) रोजी सायंकाळी साडेसात वाजता पंढरपूरहुन निघून मध्यरात्री २.३० वाजता बेळगावला पोहोचेल. तसेच सोमवारी (ता.११) सकाळी ६ वाजून ५५ मिनिटांनी ही रेल्वे हुबळीला पोहोचेल. बेळगाव ते पंढरपूर दरम्यान धावणारी ०७३८८ या क्रमांकाची रेल्वे पंढरपूर येथून शनिवारी (ता. ९) रात्री ७.३० वाजता निघून बेळगावला रात्री ३ वाजता पोहोचणार आहे. तसेच ०७३८७ या क्रमांकाची रेल्वे बेळगावहुन रविवारी (ता.१० ) पहाटे ५.३० वाजता निघून सकाळी ११ वाजून ४५ मिनिटांनी पंढरपूरला पोहोचेल.
बेळगावतून आषाढी एकादशीसाठी पंढरपूरला जाणाऱ्यांची संख्या मोठी असते. यामुळे सिटीजन कौन्सिल कडून नैऋत्य रेल्वेला निवेदन देऊन यादरम्यान रेल्वे सुरू करण्याची मागणी करण्यात आली होती. तसेच खासदार मंगल आंगडी यांनी देखील रेल्वेला सूचना केली होती. त्यामुळे यादरम्यान आता रेल्वे सुरू करण्यात आली आहे. तत्पूर्वी सेंट्रल रेल्वे कडून देखील पाच जुलै ते 14 जुलै दरम्यान मिरज ते पंढरपूर यादरम्यान आषाढी स्पेशल सुरू करण्यात आली आहे. याचाही लाभ अनेक प्रवासी घेत आहेत. बेळगाव हुबळी येथून रेल्वे सुरू झाल्यामुळे अनेक भक्तांना याचाही लाभ होणार आहे. यामुळे भक्तांकडून समाधान व्यक्त होत आहे. या दोन्ही रेल्वेसाठी प्लॅटफॉर्मवर तिकीट उपलब्ध असेल.
आषाढी एकादशीनिमित्त बेळगाव परिसरातून पंढरपूरला जाणाऱ्यांची संख्या अधिक असते. याचा विचार करून बेळगाव ते पंढरपूर व हुबळी ते पंढरपूर या दरम्यान आषाढी स्पेशल सुरू करण्याचा निर्णय घेतला आहे. शनिवारपासून या रेल्वे धावतील.
-अनिश हेगडे, मुख्य जनसंपर्क अधिकारी नैऋत्य रेल्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.